劉詩昆跟孫穎合奏《送我一枝玫瑰花》。
探熱針
譚元元 no show，劉詩昆換舞台地板
由國寶級鋼琴大師劉詩昆和孫穎創辦的「中國全球音樂教育協會」，日前舉行了兩場慈善音樂會，上月辭演首晚演出的小巨肺 Celine（譚芷昀），準時在第二晚現身，不過音樂會依然有表演嘉賓臨場甩底，有指本來在首晚演出的舞蹈家譚元元，對表演台地板不達要求為由拒演，就算協會照指示通宵鋪過一批新地板，仍然堅持走人。
猛人到賀
劉詩昆跟孫穎各自以私人名義捐出八位數字打造，以及華彬集團捐出一百萬的《世紀盛宴》音樂會，上週六（十一月十八日）開始連續兩晚在邵氏片場舉行，在藝術圈有相當分量的劉詩昆，廣邀朋友出席，其中包括日本前首相鳩山由紀夫、法國前總理、諾貝爾物理學獎得主楊振寧和太太翁帆以及 Jimmy Choo等猛人。
當晚大會更搵來為英國皇室布置花藝的藝術大師 Djordie Varda布置會場，靚人靚景，不過卻發生譚元元 no show事件。據了解，譚元元指舞台地板並不是她所預計而拒絕演出。
盡量配合
「其實協會一直同佢有溝通，盡量配合佢嘅要求，點知佢嚟到話舞台地板唔啱規格，工作人員照佢意思即時全部鋪過晒，做到第二朝八點。新嘅地板仲貴過之前要求嗰款，但都係唔啱佢心水，協會嘅人之後仲去埋酒店，無放棄說服佢演出，不過佢點都唔肯，最後都係唔表演。」知情者說。
對於譚元元缺席演出，協會發言人表示：「而家交咗俾律師處理，唔方便講任何嘢。」
撰文、攝影：娛樂組
來源 source: http://hk.next.nextmedia.com
|
鍾意就快D Share啦！
|
|
|
