第一滴血！歐陽巧瑩半裸做Spa慘被Cut
無綫不少綜藝節目愛拍女藝人在陽光海灘與浸溫泉的場面，如節目《3日2夜》中的張曦雯、陳庭欣、陳婉衡、朱智賢與歐陽巧瑩等，曾有不少火辣泳衣鏡頭。不過，隨着無綫發出「限奶令」，巧瑩在《3》中半裸上身做Spa的鏡頭慘遭刪減，節目監製張志明承認此事：「《3》喺明年1月20號起由J2台轉去翡翠台播出，觀眾層面亦會變得更加一家大細，所以畫面上都要克制啲！」巧瑩透露拍到埋尾才接獲通知：「公司緊張女藝人感受係好事。（影響？）唔相信公司會減拍旅遊節目，只係唔鼓勵賣弄性感，對我唔會有影響！」
張曦雯則認為安排能保護女藝人：「等我哋拍嘢時冇咁大壓力，有自主權，選擇性感或不需要性感嘅拍攝，大膽啲出聲。（有受過壓力？）咁又冇，因為冇人可以逼到我！」朱智賢被問到網友對禁令牙痛咁聲，她笑說：「往事只能回味，大家上網搵番舊片睇，頂住癮先。」陳庭欣與陳婉衡認為只要合理，着泳衣也冇問題。
來源 source: http://orientaldaily.on.cc
|
鍾意就快D Share啦！
|
|
|