網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年1月11日 星期四

李嘉誠開年暗窒四叔 [壹週刊 - 1453 - 財經] __,李嘉誠,李兆基,四叔,李嘉,M1,

上週四,李嘉誠在集團周年晚宴上,隔空又窒咗四叔一嘢。中環人語李嘉誠開年暗窒四叔上期長江集團喺灣仔會展搞2018年周年晚宴,主席誠哥都有走出來分享睇法, ...






上週四,李嘉誠在集團周年晚宴上,隔空又窒咗四叔一嘢。

中環人語

李嘉誠開年暗窒四叔

上期長江集團喺灣仔會展搞 2018年周年晚宴,主席誠哥都有走出來分享睇法,由樓市、比特幣、一地兩檢,到對林鄭點睇都有求必「應」。講到劏房樓呢啲細單位呢?誠哥就話:「如果供應多,有一日過剩都唔出奇!」嘩嘩,有地產界人士話,呢一句咁似寸緊四叔李兆基嘅?

眾所周知,四叔打骰嘅恒地,近年最鍾意起劏房樓。中原地產做咗個統計,發現五大發展商中,恒地推出最多開放式單位,長實則相反主打大單位。就喺去年 12月初,恒地同新世界合作嘅元朗「尚悅.方」,一個 187呎細單位,撼贏咗同區百利保旗下「尚築」嘅 191呎單位,成為元朗「納米樓王」!

誠哥同四叔有咩恩怨,又要講番陳年舊事。同樣生肖屬龍嘅誠哥和四叔,曾經 friend過打 band,四叔連自己細仔都叫「李家誠」,但自 93年後,兩人友好不再,當年長實聯同外人,向美麗華集團提出收購,而當年掌管集團嘅楊志雲家族唔想放手,搵嚟世交四叔幫拖,美麗華最後落入恒基手中,自此盛傳他們關係逐漸疏離,喺社交場合通常不瞅不睬。不過誠哥見唔到真人,都識得玩隔空互窒,的確又要講多次:與時並進,勁呀!





自九三年後,李兆基和李嘉誠就唔再 friend過打 band了。



上海仔嫁女

話說黑幫和勝和前坐館上海仔,上年十一月涉嫌洗黑錢被拘捕,但無損佢心情噃!佢經常出入尖沙咀喜來登、半島酒店 high tea和 happy hour。上星期六上海仔嫁女喇,喺半島酒店筵開約十席。

上海仔嫁女呢壇絕對係江湖大事,警察都有嚴陣以待。而佢哋傾向低調處理,擺酒嘅宴會廳可謂十分隱蔽,要特登搭升降機先去到,門生守衞森嚴。能夠坐主家席嘅黑道中人,有勝和「大飛」。但聽講佢都十分低調,等到夜晚九點先入席,費事變成焦點,搞到成件事變咗黑幫 party咁話。

榮升岳父嘅上海仔,唔單只滿場飛,仲唱咗幾首歌,包括張國榮嘅《為你鍾情》同埋許冠傑嘅《浪子心聲》。見到佢容光煥發,情深款款,就知道佢呢一晚有幾開心啦。

近來上海仔出沒,身旁多咗個四眼妹妹仔。至於點解門生拎住碌棍?聽講早前台灣竹聯幫送咗條長藤俾上海仔,之前佢嘅門生出入都有拎住,但據聞因為太張揚,引起警察注意,依家門生改為揸棍,唔通江湖有暗湧?





上週六上海仔嫁女,在半島酒店筵開約十席。





勝和大飛坐主家席(左下)。

「量子金」 hold一 hold

呢排電子貨幣炒到令大家痴痴迷迷,早排新思維秘書長黃俊瑯,就邀請香港傳媒出席澳門嘅虛擬貨幣研討會,仲放風話,會有新嘅虛擬貨幣「量子金」( Quantum Gold)推出,會同東南亞嘅金礦掛鈎,以及有金銀業猛人可能會加盟做顧問。

點知量子「金」碰着「黑」,個研討會撞正喺澳門回歸紀念日前一日舉行,就算標榜走中間路線嘅新思維一樣無情講,搞手黃俊瑯被拒入境。研討會最終照舉行,話晒係第一隻同金有掛鈎嘅虛擬貨幣,仲可以配合「一帶一路」國策,不知幾咁吸引!

點知最近「量子金」又再 hold一 hold,黃俊瑯解釋:「我哋喺香港唔會做任何宣傳同埋推廣發售,同朋友傾過策略有啲變動,但係計劃最終會繼續嘅!」無論點,創新嘅支付系統係大勢所趨,小宗都想知推出時係咩玩法!





喺澳門搞嘅經濟座談會,搵咗唔少當地同強國炒家出席,仲形容加密貨幣係「革命性創新」的項目。





黃俊瑯同小宗講,唔想量子金同香港有任何關係,但否認證監有俾壓力佢哋。

撰文:宗菁華

centralman@nextdigital.com.hk


鍾意就快D Share啦!