劉嘉玲坦言遭馬景濤強吻大感愕然，不過佢並冇因為咁而怪責對方。（資料圖片）
女星劉嘉玲喺內地節目《吐槽大會》第二季擔任嘉賓時，畀同場嘅台灣男星馬景濤施以熊抱，並且瘋狂強吻，嚇到花容失色！
被熊抱大感尷尬
劉嘉玲今日接受東網電話訪問，表示同馬景濤自拍劇後就冇聯絡，只係有次喺飛機上偶遇，今次再見面冇諗過對方會咁激動，並強調事前冇同對方夾過。劉嘉玲話：「佢攬我嘅時候，我好愕然，當佢再抱起我轉嗰陣，我係有尷尬，嗰刻我仲諗係咪畀驚喜我！可能所有嘢都嚟得太突然，我根本反應唔切！」劉嘉玲又估計對方連串行為係過分緊張所致，佢表示：「我覺得佢可能係太緊張，始終佢冇做talk show嘅經驗，又唔善於表達，我估佢想有好嘅表現，所以畀自己好大壓力。」
澄清馬景濤冇醉酒
對於馬景濤表演脫口秀說期間離題，嘉玲直認當時有替對方擔心，佢話：「當時係擔心佢唔知點完成，見到現場觀眾冇反應，正、副導演都表現得好緊張。」講到馬景濤被網民圍插及指控飲醉錄節目，劉嘉玲就話事後諗番都有戥佢心痛同難過，更澄清佢喺現場並冇飲醉。至於講到有關拍親熱戲搞到對方分手一事，劉嘉玲就話：「我一直唔知呢件事，直至錄節目嗰陣先聽佢講番。不過當年嘅親熱戲只限於電視尺度，我本身識于莉（馬景濤前女友），但大家都冇咩往來。」佢亦表示因為太尷尬，所以錄影後未有同馬景濤討論此事。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|