出爐視后唐詩詠現身。
出爐視后唐詩詠出席韓國眼鏡品牌GENTLE MONSTER活動，現身時聲沙沙，她透露還有幾聲咳，台慶頒獎禮翌日即去看醫生，食藥後暈了多天，她說：「啲藥勁，醫生話食完除咗瞓就係瞓，已經冇開類固醇，食完藥就昏迷，瞓足四小時，起身食藥再瞓。（冇慶功？）阿田（田蕊妮）同黃翠如專登喺尖沙咀買粥送嚟我屋企畀我食，好好呀佢吔喺屋企等咗我好耐，知我好肚餓。」
未傾續約
對於有網民指詩詠在蔡思貝領獎時黑面，她坦言雖然暈暈哋，亦有留意網民的留言：「都解釋咗，之前在新加坡同馬來西亞兩個頒獎禮都咁啱有女人不便，陳山聰已經提我好水腫，叫我搞搞佢，點知今次又係，我真係同網民解釋，有相信有唔相信，覺得女人嘢（M到）再解釋就好核突。嗰日發生太多事，忘記食止痛藥，但好彩冇水腫。」她說明白有鍾意自己的人和不喜歡自己的人，支持的人會表示多謝，她說：「唔支持都多謝，尊重佢哋，冇所謂呢個獎已經係好大鼓勵，係公司畀鼓勵，好奇妙，好足夠。（傳續約換獎？）一直有人問，其實份約好長，唔使傾住。」
宣萱第一時間恭喜
問是否獲獎後成為眾矢之的，詩詠無奈地表示無得考究，唯一是努力工作。她說宣萱第一時間WhatsApp恭喜自己，令她好感動，對於宣萱為民選視后，唐詩詠說：「佢都係我心中最佳女主角。」未知詩詠舊愛洪永城有沒有甚麼表示呢？
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|