維修香港的會址「土家」一般任由街坊和小朋友自由出入，除了文浩（左）和龍師傅（右）所處的小房間，因為專門用作維修電器，為安全起見只有師傅可內進。
壹些事壹些情
士巴拿起義
香港很多東西需要維修，劏房戶唯一可用來煮食的電磁爐壞了，需要維修；四、五十年樓齡的唐樓處處滲水，需要維修；鄭若驊深夜發稿自揭多個物業僭建，也需要維修。
撕裂的社會，更需要維修。
「維修的確係一個『好吸引』嘅切入點，減低人哋嘅戒心，打開人哋嘅心窗。」
不是裝修公司推出直銷課程，不能靠下線接單賺一千幾百萬；實情是，訪問在土瓜灣一幢即將被清拆重建的舊唐樓地鋪進行，沒有「千萬年薪成功人士」上台分享，也沒有記者放蛇直擊，身邊倒有幾個小朋友踢着拖鞋進進出出，忙着逗隔籬車房的狗仔玩。
「維修香港」的會長黎文浩說要打開別人的心窗，是指透過幫基層街坊義務維修，跟街坊建立關係，然後不時在對話中滲入民主意識。這個傘後團體紮根土瓜灣三年，嘗試以維修作為他們在社區深耕細作的第一步。
他們手上的士巴拿，不知可否協助他們在建制的「蛇齋餅糉」中，殺出一條新血路？
「（當時）知道準備金鐘清場，之後嘅日子點樣繼續行呢條民主路呢？」黎文浩在前年接任傘後組織「維修香港」會長一職，亦是創會時已加入的師傅，親歷組織由在佔領區朋友搭朋友而成立，小貓兩三隻拍門洗樓齋講民主理念，終吃閉門羮為多；到現在每星期固定派出隊伍，數十人分成多隊，每隊二至四人，裝修師傅專責維修，義工負責跟進街坊個案，順道在對話中「滲入」民主理念，分工清晰。
捱義氣做會長
文浩的正職是冷氣技工，當年電視上播出警察在夏愨道施放催淚彈一幕，激發他踏上社運之途，每日放工後就趕去金鐘，後來轉戰旺角佔領區，「嗰邊（旺角）缺乏物資，譬如最基本嘅嘢，好似啲帳篷爛咗，唔會好似金鐘咁多物資，可以即刻換個新嘅，就要靠維修。」每日巡邏至深夜，回家梳洗後小睡一會，翌日再上班。
「旺角危險啲，多啲人搞事，嗰度四通八達，啲人嚟搞事好容易。」「義氣」兩字，令文浩留守旺角，亦曾令他在傘運期間被捕，告上法庭，幸最後獲法官採納其證供而被判無罪。兩年前只有廿九歲，他就由義工師傅「升」為會長，帶領旗下數十名義工和經驗豐富的師傅，也是為了捱義氣。
社團註冊上，負責人一欄上寫着「黎文浩」。維修香港現時和另外兩個團體合租土瓜灣鴻福街一地鋪（稱為「土家」），分租協議書上簽名的，也是會長。「其實大家已經付出咗好多。」文浩說：「一直以嚟參加社運我都係捱義氣。」組織總需要有人接棒，他一於再多捱一次義氣。
傘後團體如雨後春筍，維修香港起初也是竹芽之一，幾年內獲街坊信任和接納，不能只靠文宣，更重要是有實在的工作。組織初成之時，如果遇上連裝修材料費也負擔不起的家庭，師傅們會自掏腰包為住戶買料裝修，現在即使師傅可以報銷費用，但是不少人也深知組織所得捐款不多，又要交租，也不介意繼續墊支費用。
民主話匣子
維修香港逢星期四定期派出隊伍，師傅和義工放工後先在土家集合，再根據維修類型，分發個案予不同小隊，就算是去年掛八號風球的日子，也沒有甩街坊底。遇上突發情況，師傅們亦願意特事特辦，「嗰次爆水喉，幾個師傅濕晒身，不過因為太夜冇零件，都要等到星期四買齊架生零件先整到。」文浩當日也是濕身師傅之一。
不同程度的維修需要，義工師傅也會盡力幫忙。曾經全隊人加上街坊和學生義工，用半年時間清空一個唐樓天台的垃圾山，再將天台粉刷改造成共享空間。而比較多遇上的問題，就是漏水、天線和電器損壞。
「好季節性嘅，冬天多暖爐整，夏天就梗係多風扇整。」文浩說。有時電器不能運作，可能只是小問題，但是居民一般都無從入手，相反師傅很快就知道問題所在，「有時我上門，佢哋太窮唔會搵人整部冷氣機，可能係好少嘅嘢，有少少雜物積住喺風扇度，冷氣機風扇轉唔到，又可能係個隔塵網塞鬼晒，所以冇風出。」師傅的舉手之勞，已令居民感激不盡。
「係唯獨是呢個組織，能夠集合一啲有手藝、有技能嘅人去發揮所長，轉化成民主力量，呢個係最唔同、最特別吸引嘅地方。」這位會長以組織為榮，不過免費維修的招牌，雖令街坊多半讓維修香港的義工入屋，但是要打開「民主話匣子」就要有技巧，「你一入屋就直接講『我要真普選』，咁人哋梗係唔聽你講嘢一定會有啲切入點，佢係身受其害嘅，例如小朋友就有 TSA，老人家有老人家議題，全民退休保障，咁就好睇義工上到去嘅臨場發揮喇！」
建制區議員「愛莫能助」
曾經有一位劏房戶叔叔，他由起初自己走幾層樓，抬電器到土家維修，後來因為天線問題由文浩上門替他修理。及後他開始去土家跟義工和街坊「打牙骹」，最終他由從不理會社會議題，到跟着維修香港的直幡參與全民退保遊行，更當上了義工。
土瓜灣多年來也是建制派票倉，民建聯李慧琼和潘國華，分別連任這區區議員十八年和十一年。義工阿彬也說遇過不少建制派死忠分子，「通常（街坊）都係講，政府有咩唔好？唔通你想去番以前咁，被政府打壓，又文革、紅衞兵咁？」遇上如斯情況，義工也只好見招拆招，「但係建制都可以做朋友嘅！」而且很多支持建制派的街坊，其實只是覺得民主派經常搞事、太偏激，好些民生議題如大白象工程的討論，其實可「超越民主、建制嘅框架」。
亦有不少街坊其實已想盡辦法解決維修問題，也曾找建制派區議員幫忙，不過基本上只會得到相同的回覆：「私人物業，恕愛莫能助。」這時義工的協助就成為及時雨。
駐場師傅贖罪
在土家，還有一位維修香港的「駐場師傅」——王振龍。加入組織一年半，龍師傅幾乎有一半的時間也日日駐守土家，在「小孩與狗不得內進」的房間裡，專心修理小型電器。
龍師傅雖不是建制中人，但也絕非社運活躍分子，加入維修香港是因為「香港人太浪費」。「香港有一個好現實嘅問題，小型電器唔會有人維修，尤其係啲低價電器講緊價值只係三、五百蚊，壞咗攞去維修，維修費可能都要三、五百蚊。」不忍一件又一件電器單純因為電線鬆脫或是甩螺絲，就被送往堆填區，龍師傅在 Facebook群組上不時為人義務或低價維修電器，「但係好多其實有（經濟）能力嘅人，無論大小電器都想有人低價幫佢修理。」
經朋友介紹得知維修香港主力幫助低收入家庭，龍師傅說：「呢個理念就符合我心中所想。」雖然龍師傅近乎是「台柱」，但是他並非退休人士，而且正從事一門十分冷門的職業——海上測量師，主要負責跨海光纖電纜和油田開發等項目。每年他有一半時間出埠工作，留在香港的日子就在家待命，「既然坐喺屋企，不如返嚟幫手好過。」幫街坊維修電器為他帶來的滿足感，比正職中所獲還要多。
「呢度嘅人其實生活都幾困苦，所以佢哋啲電器好多時都係二手買返嚟，或者去（買）同類型最低價嘅電器，啲電器嘅性能存在好大疑問，佢哋嘅損壞率係好高。」而且土瓜灣區有不少難民聚居，根本完全沒有錢可以買新電器。
龍師傅突然話鋒一轉，說：「其實我加入呢度，有少少贖罪心態。」他認為自己生於六十年代，享盡香港的美好年華，「透支咗香港嘅未來。」當年本地工業北移，導致社會現時產業單一，年輕人失去許多工作機會；藉着加入維修香港支持年輕人，令他心裡好過一點。
土家的一角放了七、八個電飯煲，是由好心人捐贈，又或有街坊拿來修理但最後卻無人認領，這些「無主孤煲」必要時竟可發揮救人一命的作用。「呢度嘅街坊最緊要就係煮飯，佢哋搵錢唔多，一定係自己煮。呢度又多劏房，唔可以用明火，所以街坊多數用電爐、電飯煲、微波爐，一壞咗佢哋就好緊張，因為真係會開唔到飯，無理由食麵包㗎嘛。」龍師傅再厲害也只得一雙手，就算街坊有幸遇上他當值也不一定可以即日取回電器，所以土家的備用小型電器就可借給街坊，等龍師傅修理好後再換回來。
重建巨獸拆散社區
不少也因為認同深耕細作的民主理念而加入，不過龍師傅就說：「我認同佢哋嘅政治方向，但唔係百分百認同佢哋嘅行動。有時啲行動都幾偏鋒，通常我就好少參與。」他還擔心組織裡的年輕一代，「社運唔會有麵包派，如果過分投入就會影響人嘅基本生活質素。」
市建局即將收購重建鴻福街一帶舊樓，義工阿彬說重建是「巨獸」，「佢會將成個社區拆散，街坊要搬去觀塘、深水埗、荃灣咁，佢哋會唔會識搵番你，其實係好難。」土家亦被迫搬遷，義工都期望可以留守土瓜灣區，但是幾條街外的租金，已是現時的兩倍有多，維修香港將來的聚腳點在哪裡，仍是未知之數。
撰文:劉卓瑩
攝影:胡智堅
|
鍾意就快D Share啦！
|
|
|