四大天王同你拜年劉華灑金幣城城送大吉 [壹週刊 - 1458 - 生活] __,劉華,郭富城,城城,劉德華,M1,

劉華又稱牛華，是讚他勤力如牛，07年頭已定下要拍兩部戲、七個廣告及巡迴演唱會，工作排到密密麻麻，直到去年拍廣告墮馬受傷，劉華終於識得停落嚟，用更多時間 ...

劉華又稱牛華，是讚他勤力如牛， 07年頭已定下要拍兩部戲、七個廣告及巡迴演唱會，工作排到密密麻麻，直到去年拍廣告墮馬受傷，劉華終於識得停落嚟，用更多時間陪老婆及囡囡，暫時今年停下工作，只有年尾跨年巡迴演唱會。

探熱針

四大天王同你拜年劉華灑金幣城城送大吉

迎接靈犬年，《壹》仔精選過去十七年，藝人即席寫創意揮春送祝福，其中包括近年人氣組合農夫的鬼馬揮春「農馬精神」和「人盡可夫」、十二年前仍未因病退隱的李珊珊和性感煒哥撚蛇賀新春。

最特別是十年前四大天王，以及有奇招突出的劉華紮馬灑金幣，型爆城城捧桔迎豬年。

十年前張學友忙於做世界巡迴演唱會，為免忽略屋企人，他會帶埋老婆及兩個女一齊開工，十年後的今日，學友仍然忙住開巡迴演唱會，但係已甚少再帶埋屋企人一齊出埠開工。

十年人事幾番新， 07年黎明跟前妻樂基兒打得火熱，又在農曆年帶住新簽公司做歌手的衞蘭衞詩到北京做騷，三個女人，先後離去，單身多年的黎明，除拍戲做騷外，仍繼續捧新人。

07年城城仍是單身，捧桔祝大家心想事成外，碰巧當年前度紀香傳出婚訊，他亦表示有衝動結婚生 B。結果等了十年，去年榮升老豆終於達成心願，更有計劃追多個。

一九九三年，早已移居加拿大的謝賢跟狄波拉，跟當年應該只有四歲的謝霆鋒，和謝婷婷作應景打扮成小兔仔影全家福賀年照，今時今日要 chok爆謝霆鋒再做兔男郎，冇可能。

翌年轉 look，一家四口再在「吉林」紅當蕩拜年，中式打扮，電咗髮嘅霆鋒一樣咁靚仔，婷婷就依舊咁 cute。

肖豬鄧麗欣當年同粉紅豬合照迎豬年，有相士批 Stephy必定走紅，其實她當年已穩守玉女位置，十年後的今天，事業更上一層樓，有份提名金獎像女主角，演技被肯定。

十一年前，傅明憲孖歐陽震華再加梁榮忠一齊拍賀年照，著晒古裝扮通勝「春牛圖」，仲搵埋真牛上陣，可一不可再，事關傅明憲已退出娛圈多年，梁榮忠亦轉做 DJ，只有歐陽震華繼續做，有好劇本才開工。

醒神賀新春

新年伊始，見到性感女人與可愛動物，大家都為之精神一振，如果兩者孖住賀年，效果雙倍，新一年更醒神。

陳煒同陳松伶十六年前玩蛇賀蛇年，當日雙陳舞蛇好有膽，擺甫士都淡定有魅力。

07年被大台力捧的楊思琦，有樣有身材，成為宅男女神，難得她從來唔吝嗇騷身材，連抱豬擺甫士都性感過人。

05年鄧萃雯拍完電視劇《金枝慾孽》，如妃娘娘一角成為她事業生涯中另一個高峰，她拍賀年照時亦 woman in red特別風騷。

七年前未真正發圍的虎女周秀娜，跟前度髮型師男友仍然甜甜蜜蜜，三年後分手一直冇着落，事業反而不斷向前，成功入圍金獎像叫胡做影后。

十二年前仍未因病退隱的李珊珊，有被喻為「史上最好身材香港小姐冠軍」的她，在狗年著住性感低胸裙，孖住得意狗影相拜年，吸睛程度百分百。

揮春鬥創意

一字馬盧惠光贏「交」 E臣。

在泰國長大的盧惠光，同在英國讀書的陳奕迅中文水平同屬叮噹馬頭， 01年，盧惠光以超難度一字馬寫「天下第一」，對比以自己名字加創意寫「精神（奕奕）」，但看似「交」字的陳奕迅，贏成條街。

農夫當年已經盡情發揮創意， C君的「農馬精神」好易套入，但陸永嘅「夫可盡人」就要倒轉讀，但農曆年同人盡……有咩關係呢？

薛凱琪的「大吉大利」固然貼題，字面唔夠創意，但面部表情搭夠，伸一伸脷已經加咗分。

有份參賽的張栢芝，如果你知佢寫咩？只能說句好嘢！

當年 20歲的鬼仔陳冠希擺明中文有限，但希（希望） U HAPPY NEW YEAR，中西合璧，已經盡晒力。

撰文、攝影：娛樂組

來源 source: http://hk.next.nextmedia.com

鍾意就快D Share啦！

下一篇 》