2018年2月15日 星期四

關錦鵬再出手捧影后哮喘 Sammi狂扯煙搏晒命 [壹週刊 - 1458 - 生活] __,Sammi,許冠傑,Sam,關錦鵬,鄭秀文,M1,

最近Sammi日日為新戲《八個女人一台戲》趕工,電影預計在新年前煞科。探熱針關錦鵬再出手捧影后哮喘Sammi狂扯煙搏晒命04年鄭秀文因為拍關錦鵬執導的 ...






最近 Sammi日日為新戲《八個女人一台戲》趕工,電影預計在新年前煞科。

探熱針

關錦鵬再出手捧影后哮喘 Sammi狂扯煙搏晒命

04年鄭秀文因為拍關錦鵬執導的《長恨歌》壓力大到患上抑鬱症,事隔十四年, Sammi戰勝心魔,同關錦鵬再度合作新戲《八個女人一台戲》,同「死對頭」梁詠琪鬥個你死我活。

當年一心想捧 Sammi做影后的關錦鵬,自《長恨歌》撻 Q後,已經十四冇執導電影,今次再出山,為 Sammi度身訂造劇本,誓要喺邊度跌低,就喺邊度起番身。由於近日氣溫急降, Sammi同 Gigi要喺得番幾度的海邊喪食風,一向「孱底」有哮喘的 Sammi,埋位嗰陣仲一口氣連扯十幾支煙,認真搏命!







八年無拍電影的趙雅芝,今次被關錦鵬力邀出山客串。





已經 14年無執導的關錦鵬,今次再出手為 Sammi度身訂造劇本。





Sammi同 Gigi在戲中飾演死對頭。

喪吹海風

當晚約十點,市區氣溫都只有八度左右, Sammi同 Gigi齊齊到中環碼頭埋位,未開始拍,兩人一直各自匿在帳篷取暖,直到導演嗌埋位,兩個女主角先施施然步出,要喺海邊食風, Sammi同 Gigi都早有準備,披肩、電暖包、毛氈全部出動。

當日拍攝 Sammi同 Gigi喺海邊傾心事,一向有哮喘的 Sammi不停食海風之餘,仲要連扯十幾支煙,導演一嗌 cut,助手九秒九幫佢披上披肩,又遞上熱飲, Sammi急急腳匿入帳幕,同 Gigi甚少 交流。





Sammi在海邊食一晚風,仲連扯十幾支煙。





當晚一個 shot, Sammi同 Gigi足足 NG近廿次,關導演果然要求高!





當晚氣溫得八度, Sammi同 Gigi出動羽絨、毛氈,做足準備。

度身訂造

當年 Sammi因為抑鬱症,令《長恨歌》拍攝進度受阻,最後為咗禰補製作費, Sammi主動提出唔收片酬尾期,關錦鵬每次提起都話:「我要向她致敬!」

「其實阿關咁多年都覺得欠 Sammi一個人情,當年一心諗住捧 Sammi攞獎,但最後套戲撻 Q,今次個劇本三年前已經籌備,由本來四個女人,而家變咗八個女人,女主角就一早定咗係 Sammi,其他角色就換咗好多次,之前搵過劉嘉玲、楊冪、馬思純。話就話有八個女人,但其實 Sammi佔咗八成戲份,佢有成三十幾組戲,其他角色都可以話係陪襯。」一名幕後工作人員說。





當年 Sammi因為拍《長恨歌》後患上抑鬱症,一直令關錦鵬耿耿於懷。





Sammi去年一口氣連拍三套戲,其中一套同阿 Sa再度合作,拍攝驚慄片《聖荷西謀殺案》。





男扮女裝的甘國亮,擺晒 pose自拍,造型古怪!

第八個女人現身





去年中, Sammi在四川長駐兩個月,拍住佟大為,合作電影《午夜慢車》。

早前關錦鵬喺中環大會堂搞記招,公布演員名單,當中只有 Sammi、 Gigi、商天娥、趙雅芝、白百何、齊溪、周家怡七個女人,被追問第八個女人時,關錦鵬就話要保密。

上週二(六日), Sammi同趙雅芝一早又喺大會堂埋位,第八個女人終於現身,原來甘國亮要在新戲男扮女裝,當日甘生戴上長假髮,化濃妝,仲搽埋白色指甲油,十分「古怪」。埋位前,甘生仲拎出手機擺 pose自拍,似乎非常滿意造型。

輸足七次

入行以來拍過近三十部電影的 Sammi,曾經七次提名金像影后,可惜次次都擦身而過,是史上最多次提名,但又未拎到獎的女主角。





《孤男寡女》 00年,拍住劉華接拍杜琪峯的《孤男寡女》,當年贏盡口碑票房, Sammi初次提名金像影后,最後輸俾張曼玉。





《鍾無艷》、《同居密友》、《瘦身男女》 01年, Sammi一口氣接拍《鍾無艷》、《同居密友》、《瘦身男女》三套電影,最後三套都成功提名金像影后,成為史上第一個女演員一次過有三個提名,不過最終都敵不過前輩張艾嘉。





《長恨歌》 05年, Sammi一改戲路接拍文藝片《長恨歌》,可惜電影無論票房同口碑都撻 Q,更令 Sammi走上抑鬱,雖然獲金像影后提名,但最終輸俾內地影后周迅,無功而還。





《高海拔之戀》 12年, Sammi再拍住古天樂合作《高海拔之戀》,又一次提名影后,最終再輸俾宿敵楊千嬅。





《盲探》一向視 Sammi為愛將的杜琪峯, 13年為她度身訂造劇本《盲探》,加埋劉華出手,最後成功提名,但又遇上神級對手章子怡,繼續同獎座無緣。

撰文:娛樂組 

攝影:李玄 


鍾意就快D Share啦!