已考獲潛水教練牌、有17年「潛齡」的名媛傅明憲愈潛愈上癮，更自學海底拍攝。去年聖誕她隨團到印尼，每日拖着重達10公斤的攝影器材潛入海洋深處，做海底「龍友」！
傅明憲父母傅奇和石慧都是藝人，身為星二代的她曾經都是娛圈一分子，亦是社交界活躍分子，但自從迷上潛水運動後，就轉投海洋的懷抱，喜歡到世界各地的潛水勝地放眼海底世界，狂熱得連考多個潛水牌及潛冰牌，現已正式成為潛水教練！早前她參加印尼藍碧海峽（Lembeh Indonesia）一個潛水團，專門潛入海底拍攝，她說：「呢個係影相團，同行有十幾人，係自己組團，所以全部人都識嘅，呢個地方專係影細嘢，影微細生物，同之前影鯊魚、蘇眉好唔同。點解鍾意影海底世界？鍾意玩水底攝影嘛！自己滿足之餘，仲可以Po喺社交網呃吓Like囉！（開相展？）會畀人笑㗎，潛水界咁多高手！」
傅明憲愛潛水，亦愛海底攝影，愈玩愈專。她表示過往純粹潛水，將景物留在腦海中，後來發現鏡頭下的海底景象很美麗，更可以留為紀念。她笑言今次的旅程超出個人極限，在水底影到不捨得離開，足足潛了107分鐘，是最後上水的一個，又預告下趟旅程將到南極拍攝企鵝和鯨魚，果然影上癮！
微細似米粒
傅明憲此行看到很多生物，如Frogfish、Baby Box Fish、Ghost Pipefish、墨魚和海馬等，她說：「今次見到好多唔同種類嘅Nudibranch（裸鰓類物種），其中Sheep Nudibranch就只有2毫米咁細，喺淺水都見到。佢哋有好多唔同形態、唔同顏色，好得意，仲會搵番同色同類嚟交配。仲有見到啲海馬，大約只有一粒米咁大。」
有毒！切忌手多多
要注意，好多海底生物都係唔可以觸摸，好多Nudibranch都有毒性，係唔掂得嘅，尤其我冇戴手套。電蛤唔可以掂，因為會被電暈；藍圈墨魚好靚，不過一樣唔可以觸摸。
專業架生超重磅
傅明憲用作海底攝影的器材非常專業，重達10公斤，她表示旅程中每日都是獨自拖着器材上船落船，頗為辛苦。她很享受參與攝影團，因為團友全部志同道合，每日拍攝完就各自回房休息，準備翌日晨早又出海，所見所聞與以往的觀光旅程截然不同。
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|