許志安拍片祝賀。
《第90屆奧斯卡金像獎頒獎禮》最佳動畫，由迪士尼‧彼思人氣動畫《玩轉極樂園》（Coco）大熱奪得。主題歌曲《Remember Me》同時贏得最佳原創歌曲，為動畫廣東話版配音兼唱主題曲的歌手許志安拍片送上恭賀，他說：「再一次恭喜《玩轉極樂園》得獎，我好似有份咁，但其實真係有份嘅，廣東話版歌曲係我唱，我覺得好開心，睇現場直播一見到佢得獎，我都好高興，呢部電影好出色，講親情關係，好值得反思，令人感受到愛同力量。（主題曲方面呢？）當初知道有份參與，聽到呢隻歌原裝版，已經諗如果畀我唱我會點演繹呢？當時未有歌詞嘅，之後知道成個故事都係帶出愛，歌詞都好感人，唱嗰陣好入戲，跟住電影故事感覺去唱已經有效果，當然畫面係好震撼上網睇到十二、十三個國家版本，我覺得首歌威力好大，每首歌都有自己魅力，雖然有啲語言唔明點解，但每個版本都好有感覺，廣東話版梗係好聽啦，希望大家繼續支持。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|