掃呢頁CODE去手機

2018年3月7日 星期三

【閃耀人生女人心-張天愛(2)】離婚4次 被求婚50次:最終唔啱都冇法 __,閃耀人生女人心,張天愛,

張天愛最為人所知,是結了4次婚、離了4次婚,首任丈夫是外籍髮型師Anthony,第二任丈夫是思捷環球前主席、即林青霞現任丈夫邢李㷧;第三段婚姻,是資深 ...




張天愛最為人所知,是結了4次婚、離了4次婚,首任丈夫是外籍髮型師Anthony,第二任丈夫是思捷環球前主席、即林青霞現任丈夫邢李㷧;第三段婚姻,是資深大律師胡漢清。當年兩人在港結識,隨即墮入愛河,分手數年後再續前緣,1992年結婚,並在蘇格蘭註冊,之後分別在倫敦及香港豪花百萬補擺豪門宴,可惜婚姻僅維持三個月,張天愛便提出離婚。

維持得最長(九年),是與第四任老公羅素(王敏德哥哥)這段婚姻。

四段婚姻都失敗告終,而每次都是張天愛主動提離婚,敢愛敢離。

「係!都係我自己未成熟,去jump in,嗰時個心態係,有10個人對我好好,我就揀對我最好嗰個啦。因為我在boarding school大,自細趕頭趕命咁,好多男友搵我拍拖,呀~好呀,咁結婚啦。打個比喻,就好似一間屋,有廳有房有地牢,但我只係打開咗個大門,只係俾佢睇咗大廳同一間房,佢就講呀:『幾好呀,結婚』但其實我有好多好多間房同地牢,而我又成日出咗去,佢就會覺得,呢個女仔,唔係我想結婚嗰個。變咗我越來越忽略佢哋,而我係好多嘢要做,而佢哋其實唔係想搵個老婆係咁。」年輕時對愛情、婚姻都直來直往,一股勁向前行。

「即係,你太叻,男人唔係咁鍾意;或者你太忙,男仔會覺得,喂,我搵你返嚟,傳統男仔搵你,嗰啲屋企就覺得,新抱要睇BB,要煮飯,要幫屋企,咁我心諗,吓?我又多一份工呀?」

張天愛曾在訪問中,說漏了嘴說自己曾被求婚50次,她笑:「係呀,所以我嫁過幾次已經係好好,人哋話,『呢啲咩道理?』咁係真,It's true!咁每十年,喺十個裡面揀一個嫁,但最終唔啱,咁冇辦法㗎,唔係我想。」



【閃耀人生女人心-張天愛(1)】

有個猛料公職王父親 門口點解掛三盞燈?

http://bit.ly/2Fpt40E

採訪:林妙萍

攝影:郭賢興

攝錄:林德雄、李祉澄



張天愛第二任丈夫邢李㷧育有一女邢嘉倩(資料圖片)
與胡漢清的第三段婚姻僅維持三個月,張天愛便提出離婚。(資料圖片)
維持得最長(九年),是與第四任老公羅素(王敏德哥哥)這段婚姻。(資料圖片)
張天愛:「最終唔啱,咁冇辦法㗎,唔係我想。」

鍾意就快D Share啦!