好期待睇佢演出呀！
前英皇小花何嘉莉（Lillian）尋晚錄影無綫節目《流行經典50年》，相隔多時後再開金口，令唔少歌迷大呼期待！今日，Lillian喺社交網上載咗一段錄音短片，片中佢大唱自己嘅經典歌《兩種人》，莫非為復出做好準備？
隨後Lillian接受東網訪問時，佢透露只係為節目練歌：「我咁耐冇出嚟唱歌，點都要練一練，特別係今次上無綫節目唱歌，都希望以最好姿態出現，所以要認真地練歌。（幾耐冇去錄音室？）其實我都有20年冇入錄音室，今次入嚟覺得好好玩。平時自己都好鍾意唱歌，雖然好多年冇入錄音室，但都會同朋友唱K。」其實Lillian把聲依然咁掂，可以考慮復出再做歌手，唔好浪費把靚聲嘛！
而經理人霍汶希亦有轉發短片支持Lillian，並留言表示：「很久沒有合作，再次和你合作就好像家人回來了的感覺，希望你能夠有一個開心的工作環境。」
來源 source: http://hk.on.cc
|
鍾意就快D Share啦！
|
|
|
