熱爆娛樂: 【狗仔出更】學習一個人生活 45歲吳綺莉唔恨拍拖﹕冇所謂 _

2018年3月28日星期三

【狗仔出更】學習一個人生活 45歲吳綺莉唔恨拍拖﹕冇所謂 __,吳綺莉,

單親媽媽吳綺莉去年與囡囡卓林關係變得惡劣，一時係卓林控告媽媽刑事恐嚇，一時又輪到吳綺莉報警指閉門失竊。(相關新聞﹕http://bit.ly/2oOdYse)而吳綺莉一直唔接受卓林嘅女友Andi，之後卓林索性放棄學業及搬離家，當時仍未滿18歲。

所謂「家家有本難念的經」，無論卓林嘅決定是否正確，吳綺莉最終仍是選擇「放手」。現在吳綺莉一個人同兩隻愛貓住喺跑馬地千呎大屋，閒時都係自己煮餐清淡素菜放上網與人分享，自得其樂。

日前吳綺莉獨自到金鐘運輸署續領駕駛執照。大約下午一點，吳綺莉一身樸實打扮，戴住一副黑框眼鏡、拉鏈外套及涼鞋，雖然冇化妝，甚至連唇膏都冇搽，但明顯比去年煩家事嘅時候精神咗好多。

吳綺莉起初有點迷茫，於是向保安職員詢問應該排邊條隊。由於吳綺莉高人一等，有1.73米，所以唔少人都認得佢，連路過嘅另一位保安職員都同佢打呼，吳綺莉雖然有點錯愕，但亦禮貌點頭。之後吳綺莉就做低頭族不停㩒手機，大約半小時就領完證件離開。

《蘋果》致電吳綺莉，問到習唔習慣一個人生活？佢淡然咁話﹕「如常。(想唔想搵番個男朋友？)冇所謂。(見你精神咗？)係呀，食少啲肉真係好㗎。」

更多娛聞，喺晒《娛果》

http://fb.com/appledailyent

吳綺莉獨自到金鐘運輸署續領駕駛執照。(攝影﹕畢紹基、吳耀輝)	吳綺莉唔知排邊條隊，個樣有啲迷茫。	另一位保安員突然打招呼，吳綺莉都禮貌點頭。
吳綺莉高人一等，即使唔化妝都好易認得。		要烏低身填表。
吳綺莉話現在食得好清淡。(網絡圖片)	得閒就影吓愛貓。(網絡圖片)	吳綺莉間中都會約朋友出海潛水。(網絡圖片)
卓林細個時候都好黏媽咪。(資料圖片)	吳綺莉一直接受唔到卓林嘅另一半。(網絡圖片)