尋親難，越洋尋親更難，影帝黃秋生去年在facebook貼相尋找失散52年生父，結果得來資料是生父已離世，卻意外聯絡上74歲同父異母孖生哥哥。兩人上周由澳洲來港跟秋生團聚，三兄弟相隔半世紀相認，秋生更安排他們探望其母，黃母亦感到非常興奮，秋生更開心道：「我變咗個新人咁，冇晒以前嘅抑鬱。」
現年56歲的黃秋生與妻育有兩子，現在與母親三代同堂，看似幸福，但秋生童年卻非常辛酸。秋生父親是英殖時代香港高級公務員Frederick William Perry，秋生爸爸當年來港工作，在秋生4歲時便離開，秋生自幼跟母親相依為命，他口中甚少提及生父。
接機一眼認出
人漸長大，秋生原諒了父親，他去年曾在fb貼出一張黑白全家福，希望網民幫忙尋父，秋生在上月接受BBC（英國廣播公司）訪問，令網民再次關注秋生尋父事件，有熱心網民在本月初找到一張屬於一位名為Frederick William Perry的英國人於66年赴澳洲入境證，秋生也證實屬實。可惜生父已在88年離世，但秋生父親與妻子Vera Marjorie育有現年77歲的長女Vera Ann、以及一對74歲的孖仔John William和David Frederick。
秋生雖未能與生父再會，不過日前兩位同父異母的孖生哥哥在上周二由澳洲墨爾本來港跟秋生團聚，昨日BBC亦有報道這宗尋親個案，秋生到機場接素未謀面的哥哥，即使從未見面，但大家一眼便認出對方，秋生盡地主之誼招呼哥哥。訪問中提到秋生父親在離世前一直未有透露在港另有家庭，兩兄弟對事件一無所知，但他們覺得亡父若知三兄弟能聯絡上都會覺得安慰。
能夠成功尋親，秋生感到不可思議，他昨接受電話訪問時說：「大約半個月前，喺英國有啲專幫人搵family tree嘅人就搵我，話起晒資料。」至兩周前，秋生才接到姪兒來電，指兩位哥哥正上郵輪，料不到他們下船即計劃來港尋弟，秋生說：「去接機時，我都緊張，但見到有熟悉感覺。」三兄弟見面的第一句就是：「How're you? Welcome to Hong Kong.（你好嗎？歡迎來到香港。）」他還安排孖兄探其母：「媽咪平時唔郁得，一見兩個哥哥好大反應，佢想起身，媽咪見完哥哥仲高血壓，入埋院，但𠵱家冇事。」
秋生表示人生都有所改變：「我醒咗，一路以嚟包袱掉低咗，兩位哥哥講咗好多爸爸故事畀我知，令我變得孭起另一啲嘢，我變咗個新人咁，成個人好開心，冇晒以前嘅抑鬱，完全變另一個人。」兩兄帶來舊相冊贈秋生，他回敬其主演的電影DVD，秋生續說：「哥哥話YouTube睇晒我作品，David仲鍾意玩音樂，佢打鼓。」兩位哥哥見到秋生，也提他要去領取英國護照：「哥哥仲同我問晒英國領事館，我知手續唔容易，佢哋話會幫手。」秋生還透露稍後有空會去澳洲見其他親友。
講簡單廣東話
秋生昨日亦有在fb貼出與哥哥合照，相中的兩位女士就是秋生成功尋親的幫手，秋生留言答謝：「世事如棋局局新，好有戲劇性！」另外，秋生昨午到灣仔律敦治醫院接母親出院，曾笑言媽咪興奮到高血壓升高，他昨說：「講笑啫，媽咪除咗高血壓，又肺氣腫。」秋生又指兩名哥哥都會一點廣東話，除了「多謝」及「唔該」外，還會說自己是「木頭」。
採訪：陳杰
|
鍾意就快D Share啦！
|
|
|
