郭羨妮囡囡可能係未來港姐冠軍。
藝人郭羨妮以露肩裙出席大埔超級城活動，她透露復活節會留港消費，又指現年五歲多的女兒已經非常貪靚：「佢兩歲已經會着我嘅高跟鞋喺屋企行嚟行去，到依家都係。（似你？）唔係，我唔鍾意着高跟鞋。今日學校有個復活節party，我好早就起身幫佢整頭，佢自己化少少妝，搽吓lip gloss同噴閃粉，我同佢講你唔係去跳舞比賽，唔好化咁勁個妝。佢話噴閃粉前先搽cream先黐得實，佢話我上次係咁教佢，我都唔記得咗。佢將來可以做我個化妝師。」
問到女兒長大後會否參選港姐？她笑言也有幻想過：「如果佢話參加，我唔會出自己個名，唔會做提名人。（怕囡囡有壓力？）係，而且想畀人一個公平嘅感覺，係佢自己去打拚，唔關阿媽事，我唔會出嚟，只會喺幕後煲湯畀佢。」
另外，郭羨妮談到工作，她表示拍攝的網劇《我的法則-辦公室篇》明天便首播，在劇中飾演魔鬼上司，稍後又會到內地登台，問她歌藝如何？她坦言：「都呃到人，我尋日練歌練到把聲拆咗。（會唔會跳埋舞？）依家冇，老喇，骨頭脆。」
來源 source: http://hk.on.cc
|
鍾意就快D Share啦！
|
|
|