網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月27日 星期二

【友人眼中登對】黎明新歡Wing戀不停 富二代前度視結婚對象 __,富二代,黎明,

黎明(Leon)12年同樂基兒離婚後,本月被周刊連環披露佢同AMusic女助手Wing嘅新戀情,加上Wing好巧合咁俾周刊影到佢腹大便便睇BB床,因而 ...




黎明(Leon)12年同樂基兒離婚後,本月被周刊連環披露佢同A Music女助手Wing嘅新戀情,加上Wing好巧合咁俾周刊影到佢腹大便便睇BB床,因而傳出佢為Leon陀「明B」。向來坦蕩蕩嘅Leon,最後選擇咗喺上星期一(19日)去完灣仔出席香港影視娛樂博覽記者會後,透過facebook坦承就快做父親,又以「兩個經歷過離婚的人,有機會走在一起已是一種缘份」嚟承認同失婚Wing拍拖,Leon有一點好明確,話會保護家人,唔會俾家人隨便曝光。

之前有傳Wing有好多人際關係要處理,連日又有報道指Wing曾經離婚,亦一向特別照顧李治廷,可以用「感情好好」形容,只係Wing估唔到李治廷離開A Music後冇「共同進退」。之後Wing有兩段感情,一段係同化妝師拍拖,分手後就認識咗富二代Vincent Chao。

報道話Wing同Vincent拍拖幾年來一直唔介意喺人前放閃,Wing不時都會陪男友去賽車,至去年10月兩人仲拍住拖去周國賢妹妹婚禮,甜蜜指數爆燈,不過,話咁快Wing已經陀住「明B」。

前日32歲生日嘅Wing突然將instagram同facebook帳戶關閉,不過《蘋果》仍獲讀者提供咗兩張Wing同Vincent嘅相。據知其中一張係攝於前年Wing生日party,當日Vincent就係同Wing慶祝30歲生日,同場仲有幾位朋友,而Vincent就企喺Wing後面,一手搭住佢膊頭,一手就摸住佢手臂,坐喺度嘅Wing手抱吹氣公仔,笑得好燦爛。認識Wing同Vincent嘅人透露,兩人已經係公認一對,Vincent亦視Wing為結婚對象,正當以為好事近卻落空時,好多人都覺得好愕然同戲劇性。

精選娛聞,喺晒《娛果》

http://fb.com/appledailyent



Wing前年30歲生日,富二代前度Vincent Chao為佢舉行生日party。
兩人拍拖以嚟,喺其他朋友眼中係「公認一對」。
去年10月兩人仲拍住拖去周國賢妹妹婚禮。
Vincent熱愛賽車,Wing以前會成日陪住去。


黎明上星期一於facebook表示,會保護家人。

鍾意就快D Share啦!