葉麗儀都出過兒歌碟，不過淨係孫仔獨享。
資深歌手葉麗儀（Frances）為慶祝出道48周年而推出HiFi碟，新碟將於6月推出，而今日她就現身電台節目宣傳：「前唱片公司開咗間新音樂公司，就搵我合作出碟，自己都好Surprise（驚喜），入面會有6首廣東歌、4首國語歌，因為都會喺台灣同內地推出。」Frances表示今次由製作人區丁玉擔任監製，又指對方為自己相隔十年再「出山」感到好榮幸：「雖然之前冇合作過，但一直都好崇拜佢，覺得佢好識處理女聲，亦都知佢好耐冇再做過碟，同佢傾咗幾次發覺大家嘅諗法一樣，有共同感覺，佢仲有彈結他幫我伴奏《午夜結他》。」
談到碟中的國語新歌《從前慢》，Frances表示歌曲出自一首中國古詩，勾起自己好多兒時回憶：「又好浪漫，係講一生愛一個人，雖然一生我有兩個愛人，對依家丈夫，好開心可以相處40幾年，係福氣。」她表示是次回港只有兩星期，平時沒有工作的話，都會返澳洲居住，以湊孫為樂，回港期間有否掛念孫仔孫女？Frances笑話都有：「每日都會同佢哋FaceTime，同佢哋唱歌。（會唔會考慮出兒歌專輯？）我有出咗一隻CD畀啲孫，有12首，封面都係我設計，one and only（只得一隻）。」此外，Frances透露下星期商演後會返回澳洲。
來源 source: http://hk.on.cc
|
鍾意就快D Share啦！
|
|
|
