掃呢頁CODE去手機

2018年4月19日 星期四

【生蛇‧淋巴腫】馬思純患帶狀疱疹:臉部甚至頭皮都相當不適 __,馬思純,

30歲大陸女星馬思純今日喺微博貼出一張素顏自拍相,佢戴住眼鏡、皮膚白皙,不過面上明顯見到一撻撻紅斑,原來佢患帶狀疱疹,俗稱「生蛇」,佢留言「頭皮是疼的 ...


30歲大陸女星馬思純今日喺微博貼出一張素顏自拍相,佢戴住眼鏡、皮膚白皙,不過面上明顯見到一撻撻紅斑,原來佢患帶狀疱疹,俗稱「生蛇」,佢留言「頭皮是疼的,臉上是癢的,淋巴是腫的」,馬思純表情不舒服,自拍後將呢張相傳俾工作人員,稱患帶狀疱疹,臉部甚至頭皮都相當不適,透露可能影響近期嘅工作安排。

馬思純年僅7歲便參演首部電影《三個人的冬天》,13歲演電視劇《大宅門》,四年前主演蘇有朋執導嘅《左耳》入圍金馬獎最佳女配角,前年拍電影《七月與安生》與周冬雨一齊奪第53屆金馬獎最佳女主角。

生蛇是由水痘帶狀疱疹病毒引致,患者兒時感染水痘後,病毒藏喺神經線內,待長大後,病毒再度活躍引致生蛇,年紀大、免疫力弱、壓力大、糖尿病或癌症患者較易生蛇,受病毒感染部位初時會有痕癢及如針刺般疼痛感,繼而出現腫脹、紅疹及帶狀嘅水疱。(相關連結:https://bit.ly/2HI9BXI)



大陸女星馬思純微博截圖

馬思純(右)拍電影《七月與安生》奪第53屆金馬獎最佳女主角。

希望馬思純早日康復!

鍾意就快D Share啦!