佢話想挑戰一啲未演過嘅角色！
藝人鄧萃雯以頒獎嘉賓身分，出席《第二十七屆香港舞台劇獎頒獎禮》，問到可有意演出舞台劇？她表示一直都有人邀她演出：「我鍾意學嘢，以前喺香港我會畀錢去搵老師上做戲堂，如果要做舞台劇，最好有段長時間畀我去訓練同增值自己，呢個重要過畀好勁嘅戲我，反而有壓力。」講到拍劇，她謂：「一直都有睇劇本，有機會。（有機會返無綫拍劇？）我只可以講係有機會講廣東話啦。」
問到拍劇可會想再與拍檔黎耀祥合作？她笑言：「我又唔會咁限制自己，我哋已做咗咁好嘅角色，成個組合、台前幕後要天時地利人和先咁好，我成日覺得唔想衰收尾，有啲嘢好好畀大家懷念就算。」她亦謂如果再拍劇想挑戰一些未演過的角色，或嘗試新的電視劇形式：「人係想進步，唔想重覆或比較，我寧願由零開始拍啲未拍過嘅。（想做咩角色？）唔好再搵我做女強人、大家姐啦，想做啲唔一樣嘅嘢，惠英紅同毛舜筠都做媽媽角色，雖然我仲未係好想做媽媽角色，但都可以嘅，好似毛舜筠喺《黃金花》嘅角色好有意思同可以挑戰自己。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
