今次陳家樂喺《逆緣》入面拍住姜大衛同黎耀祥一齊做戲，表現大部份都係讚多過彈，仲因為陳家樂做冷凍人嘅關係，令到佢笑料百出，成功令好多觀眾認識佢。
不過，《壹》仔就到風據知冷凍人呢個角色，原本係打算搵鄭俊弘做，但最後劇組飛起佢搵陳家樂頂上，究竟點解呢? 睇返《逆緣》個開拍時間，係上年六月，亦都係鄭俊弘被爆佢同何雁詩一齊飛起未婚妻單新聞冇幾耐嘅事，但有消息人士指大台一直都冇指令話要易角，所以劇組都係預鄭俊弘埋班，但正當工作人員搵佢傾細節，度期嘅時候，鄭俊弘完全唔覆機。如果係驚記者啲call都仲了解到，但連公司同事都唔覆又好似唔太好。
由於打極電話都冇人應，又唔肯覆機，成班工作人員都嬲到震，覺得鄭俊弘一啲交帶都冇，最終決定將佢踢走。陳家樂亦都因為咁冷手執咗個熱煎堆，估唔到佢嘅表現唔錯，仲成功引嚟話題。唔知鄭俊弘有冇後侮當時唔應機呢?
來源 source: http://nextplus.nextmedia.com
|
鍾意就快D Share啦！
|
|
|
