宅男女神譚凱琪出現喇！
個個都拍拖，唔通個個都想拍拖咩？簡直係道盡時下年青人嘅愛情觀，完全中晒Point呀！假如另一半港女又霸道，有得畀你揀都寧願揀單身但如果真係有得揀，另一半對你體貼入微，又畀晒自由你，鍾意打機就去打機，鍾意去蒲都冇怨言，對方仲要係樣靚身材正嘅譚凱琪，你又揀唔揀拍拖先？
宅男至愛嘅女神譚凱琪呢日為無綫拍攝短片，片中佢化身男士眼中嘅「最佳女友」，即係放任另一半打機，仲要陪埋打機添，相當識做！男士們成日嫌女友打機唔叻阻手阻腳，身為「最佳女友」嘅凱琪BB當然冇呢個問題，仲做埋「機友」教男友打機，期間點醒男友打機差：「喂，你去鬼咗邊？有千里眼都行錯路，你係咪打機都路痴？」雖然係惡咗少少，但難得凱琪BB唔會喺另一半面前遮遮掩掩，難怪唔少男士都大讚佢展現真性情好正！
凱琪BB仲唔似港女咁揀擇，食乜都冇所謂，唔會嫌呢樣熱氣，嗰樣食到厭，等男友唔使諗食乜諗到頭痕。最緊要係當另一半話要同兄弟出去蒲，凱琪BB竟然批准之餘，仲冇問三問四，完全信任對方，唔只體貼入微咁簡單，直情係好到冇得頂，搞到唔少網友都話想凱琪BB做佢哋個「最佳女友」。不過有網民突破盲點，反指凱琪BB咁體貼實有奇怪：「條女唔緊張你，擺明唔愛你」答案係乜？你自己諗喇！
網民有話兒：
XXkManWoXX：凱琪BB鬧人好正呀！！！
XXXeechang：傻仔，條女唔緊張你，擺明唔愛你
KCYipXXX：我都想有個咁體貼嘅女朋友。
林X源：有凱琪BB仲出去玩？
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
