蕊蕊係美人魚迷，去到泰國都要搵美人魚餐廳食嘢。
藝人蕊蕊近年積極發展美人魚泳術學校，早前飛去新加坡進行交流，估唔到一個轉身佢已經飛到去泰國曼谷同朋友旅行。蕊蕊唔單止發展美人魚泳術，仲係美人魚頭號粉絲，所以佢呢日去以美人魚主題嘅餐廳朝聖，仲同美人魚魚尾嘅飲品同埋蛋糕自拍，見蕊蕊食得開心又睇得開心！
之後蕊蕊又同成班朋友燒烤，期間佢仲童心未泯拎住個美人魚公仔係咁揈來揈去，原來魚尾個位係可以整到啲泡泡添！事後蕊蕊接受東網電話訪問表示因為近日泰國潑水節，所以飛到當地旅行：「除此之外都有去美人魚餐廳，因為都想開番間，所以嚟偷吓師。」蕊蕊又話因為連日來畀人潑到個身濕晒，令成日出入冷氣地方嘅佢，唔小心病咗。
來源 source: http://hk.on.cc
|
鍾意就快D Share啦！
|
|
|