係威威喎霆鋒（左）！
歌手謝霆鋒與加拿大名廚David Rocco早前到吉隆坡拍攝最後一集煮食比賽節目，比賽前夕，當地的名廚先帶霆鋒和David「遊街」兼「搵食」，感受一下吉隆坡的美食風情，作為賽前熱身。雖然霆鋒並非第一次去吉隆坡，但揚言是次特別開心，因為第一次品嚐到印度拉茶，他說：「同其他大廚一齊去吉隆坡，真係令我大開眼界，因為每次去吉隆坡我都係做嘢，冇機會出去試到地道嘅食物。」
到比賽日，兩人再次蒙眼試食，霆鋒突然好感慨地說：「我唔知點講我嘅感覺，好複雜，我好想做多啲、繼續做，但已經係最後一集，之後我哋就各散東西一段好長嘅時間。」然後炮製當地美食椰漿飯和甜品摩摩喳喳，而且要煮四十人份量，難度升級。之前四站比賽，霆鋒以微微1分領先，而今集霆鋒再勝，結果以總成績以9分之差擊敗David。成為贏家的霆鋒說：「呢個過程最開心係識到好多唔同嘅廚師，亦都好榮幸得到名廚對我菜式嘅品評。」勝出的霆鋒，稍後選擇一間慈善機構再顯身手。
來源 source: http://hk.on.cc
|
鍾意就快D Share啦！
|
|
|