掃呢頁CODE去手機

2018年4月8日 星期日

鄧月平唱新歌 睇片偷師學執生 __,鄧月平,

鄧月平獻唱新歌,表示好驚唱錯歌詞。藝人鄧月平(Larine)今日出席商場活動,即場與粉絲玩遊戲及獻唱未派台新歌《最佳演員》。接受訪問時,她坦言擔心會唱 ...


鄧月平獻唱新歌,表示好驚唱錯歌詞。


藝人鄧月平(Larine)今日出席商場活動,即場與粉絲玩遊戲及獻唱未派台新歌《最佳演員》。接受訪問時,她坦言擔心會唱錯歌詞:「因為呢首歌係陳心遙寫,前前後後改咗十次,有時唱到會唔記得自己唱緊第緊版,其實佢已經係寫得好好,每一次我都唔想改,但係改咗又好似好啲喎,咁就改咗十次,好彩自己暫時都未試過出錯。(如果唔小心甩嘴會點做?)唱歌係一種表達訊息嘅藝術,平時都有睇好多前輩嘅影片去惡補台風,我見到佢哋譬如唔小心出錯嘅時候,係可以馬上好完美地去執生,有時一啲意外反而可以變成精彩小花絮。(覺得自己反應算唔算快?)咁就要等到我出錯先知喇!」

講到新歌《最佳演員》,她笑言靈感是來自見記者的經歷:「呢首歌低潮嘅人聽完會有安慰嘅感覺,順境嘅人聽完可以更加有力量去安慰別人。首歌主題係我自己諗出來,都有啲因素係因為記者朋友成日問我提名咗金像獎最佳新人獎有咩感受,我就會諗何謂最佳呢?每個人喺我心目中都值得最佳同埋值得被愛,冇人係閒角,每個人都係佢生命中嘅主角,人生總會有高潮起伏,唔好畀低潮困住自己。(幾時會有新歌?)自己係一個靈感小女孩來嘅,好多時候好似喺度發緊呆但其實我係諗緊一啲嘢,好開心監製開始會聽我嘅諗法,來緊我都有好多嘅諗法,但係要用邊一個就仲要再篩選,再去同大家分享我鍾意嘅嘢。」


來源 source: http://hk.on.cc
鍾意就快D Share啦!