女漢子呀！
本地時裝設計師郭翠華（Ranee）早前獨個兒到了尼泊爾十日，頭幾天上堂學習靈修與打坐，之後幾天主力行山，日行十多公里，她說﹕「我喺飛機遇到丁子高，原來佢都係搵同一個老師上堂學打坐，之前我忙住開餐廳，可以利用呢個課程將自己靜落嚟。」
Ranee曾經在尼泊爾及西藏行山，也有不少經驗，今次挑戰三千多米的山群，對她來說輕而易舉，但她也找了一個當地民間組織為她作嚮導﹕「個組織叫3 Sisters，係專幫助女性就業，訓練女仔做行山嘅嚮導，我好似女皇咁，佢哋派咗兩個嚮導畀我，因為其中一個係練習生，仲訓練緊，我行得仲快過佢，哈哈﹗」
不過，Ranee在旅程後段，卻不小心弄傷腳﹕「尾二嗰日，我同一批大學生一齊落山，因為係少斜路，大家行得好快，我掉以輕心，所以拗柴，我初時都唔覺，瞓覺時隻腳開始腫，我第二日仲要四點幾起身行上山睇日出，雖然痛，但唔係好嚴重，我冇帶藥膏，只係用手指捽，好在後來都無事。」
來源 source: http://hk.on.cc
|
鍾意就快D Share啦！
|
|
|