掃呢頁CODE去手機

2018年4月12日 星期四

陳柏宇就做老竇 張紋嘉笑緊張大師 __,張紋嘉,陳柏宇,

張紋嘉笑陳柏宇係緊張大師!歌手張紋嘉(Crystal)接受陳柏宇(Jason)邀請,到對方主持的電台接目受訪。雖然二人過去曾傳緋聞,實情二人十分老友, ...


張紋嘉笑陳柏宇係緊張大師!


歌手張紋嘉(Crystal)接受陳柏宇(Jason)邀請,到對方主持的電台接目受訪。雖然二人過去曾傳緋聞,實情二人十分老友,Crystal還笑即將做爸爸的Jason十足緊張大師:「佢好搞笑囉,我哋話因為佢生女,以後會做人外父,佢會好緊張啲感情嘢,成日話我如果有男朋友一定要帶畀佢過目先,咁就死啦,佢以後一定唔會放過個女身邊啲男朋友!不過我哋都係講笑啫,佢係一位好照顧同關心朋友嘅人。(咁幾時帶男仔畀佢過目下?)我都希望快啲有得介紹,但係工作太忙啦,身邊都有啲有潛質嘅,但係如果畀佢睇佢實查人家宅,哈哈!」

講到工作,她透露正在積極籌備HotCha的合體騷,希望稍後盡量可以齊人宣傳,又呼籲:「大家快啲去買飛,或者搵我mark飛我都無任歡迎,因為今次想加場都有難度,大家要把握機會呀!」她亦表示單飛之後多數唱慢歌,今次要消化許多舞步,自己要積極操fit體能去應付。

Crystal對於今次HotCha合體直言十分興奮:「早前錄歌嘅時候,見到監製又係以前嘅監製,成件事真係回憶返晒來!聽到成員把聲真係毛管戙,亦好開心見證住大家嘅進步。」至於未來會否有更多HotCha的合體活動,她就說:「今次暫時可以叫做合體,我亦希望可以多啲兼顧個人同團體工作,大家合下又分,分下又合下啦。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!