劉浩龍好大膽，竟然話吹神長氣！
導演谷德昭和劉浩龍（師兄）接受鄭裕玲（嘟嘟）的電台節目訪問，谷德昭稱當年與嘟嘟出任無綫的台慶司儀，他謂：「喺無綫都做過唔少大騷，有台慶、勁歌、華姐、世界盃、奧運都做過，就連亞姐司儀都做過，唯獨港姐未試過，所以未儲夠一套。」嘟嘟即笑問谷德昭，你麻唔麻煩，貴唔貴架？谷德昭即笑謂：「唔麻煩，我斗零都唔駛架。」至於師兄稱和谷德昭相識多年，記得當年自己還未出碟做歌手，想搵一些拍戲工作，打開電話簿膽粗粗相約肥谷出來見面「𢱑撈」。
師兄又謂身邊朋友如蘇永康、郭偉亮（Eric Kwok）、梁漢文、陳奕迅和谷德昭都是「口水佬」，大家圍內手機有個Group，去旅行時又會介紹吓邊個地方要去，邊間餐廳好食，每朝早起身都會傾吓偈，不過，師兄大爆唯獨其中有一個人出聲，大家都不會插嘴，他笑言：「呢個就係陳奕迅，因為佢太長氣喇！」
來源 source: http://hk.on.cc
|
鍾意就快D Share啦！
|
|
|
