2018年6月25日 星期一

牛雜妹李美琪:驚人!同款同密碼 李美琪唔見篋發生奇事 __,牛雜妹,李美琪,

有冇咁多巧合呀喂!「牛雜妹」李美琪(Monnie)近日去泰國旅行,早前仲晒三點式泳照派福利,點知尋日返到香港竟然發生驚人「怪事」!Monnie唔小心拎 ...


有冇咁多巧合呀喂!


「牛雜妹」李美琪(Monnie)近日去泰國旅行,早前仲晒三點式泳照派福利,點知尋日返到香港竟然發生驚人「怪事」!Monnie唔小心拎咗人哋個篋返屋企,原來係因為佢同嗰個陌生人用同款篋、壞埋同一個轆,而最「恐怖」嘅事係同對方用一個密碼呀!!!

冇睇清楚個名

Monnie打開個篋發現唔係自己嘅:「今日,發生咗我人生中遇過最大頭蝦嘅奇事。話說我今日落機,等咗足足半個鐘先出現嘅喼(篋),原來,唔係我嘅……係我唔小心,無(冇)搣開張紙睇清楚個名,我無(冇)諗過,會有人同我用同款喼(篋)、再用同一個改左(咗)嘅密碼、再壞埋同一個轆。打去航空公司行李部冇人聽電話…希望聽日換得返(番)#我係咪要去買六合彩#或者買波#我只想#要返(番)個喼(篋)#次次旅行都有新鮮事#大頭蝦之冠」

要去機場認領

經過一晚後,Monnie再打去航空公司,終於搵到職員搞清楚件事,原來拎咗佢個篋嘅人叫羅小姐,而最爆嘅係佢哋一樣住元朗,Monnie今日就會畀番個篋對方,但因為羅小姐當日喺機場已打開過個篋發現唔係自己,即時交畀職員,所以Monnie就要去多轉機場認領番!巧合到咁,網民都話難以置信,叫佢哋兩個做姊妹呀!

----------------------------

東網巨星開咗ig喇,大家快啲follow

 https://bit.ly/2JjSVcr 


來源 source: http://hk.on.cc
鍾意就快D Share啦!