2018年6月25日 星期一

林允:無辜孭黑鑊 林允怒吼:我做錯了甚麼 __,林允,

好無辜呀!內地女星林允由周星馳一手發掘兼捧紅,估唔到有「強大靠山」嘅佢都會遇上被屈嘅情況!話說林允拍攝一個電視節目,原定由早上十一點拍到晚上八點,因為 ...


好無辜呀!


內地女星林允由周星馳一手發掘兼捧紅,估唔到有「強大靠山」嘅佢都會遇上被屈嘅情況!話說林允拍攝一個電視節目,原定由早上十一點拍到晚上八點,因為種種原因最終要超時幾個鐘連飯都冇得食,點知拍攝去到尾段有工作人員用咪大聲講:「今天有嘉賓身體不舒服所以減少一個環節,我們今天盡快錄節目,大家肯定都餓了,等錄完這個環節才吃飯,辛苦林允老師了。」先講有嘉賓唔舒服,跟手再指名道姓嗌出林允個名,咁咪即係暗示因林允嘅原因,搞到大家要超時兼冇飯食?林允聽到咁嘅情況即時大爆發,企出嚟大大聲話:「是大家都辛苦了。」

怒氣未消嘅林允喺微博度訴苦,佢話:「我辛苦甚麼了?我身體那裏不適了?我有病啦?甚麼情況?WHAT?又不止我一個嘉賓,偏偏點我名字?這話的意思不就是,因為林允的原因,所以大家只能先餓着了?這個鍋我背?我做錯了甚麼……」佢仲話遇到咁嘅情況好心噏,唔少網民都留言撐林允話相信佢唔係咁嘅人。

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!