姚子羚露前又露後，都幾性感吓～
藝人姚子羚以黑色bra top配露背西裝褸出席內衣騷，佢話今次唔會行騷，只係做嘉賓，問佢會唔會考慮行內衣騷？佢話：「睇公司安排，我自己個尺度可以接受到，但唔係睇酬勞，大前提要靚，性感得嚟健康，其實依家嘅內衣潮流都興內衣外穿，唔再係只係着畀自己同隔籬嗰個睇。我自己就鍾意黑色內衣，比較經典同優雅，喱士都鍾意，覺得可以將女人嘅性感味道加分。（會唔會着push up bra？）自然就得，唔需要刻意，而且有啲衫着push up反而唔好睇，有啲衫甚至只係貼乳貼，我都ok。」
唔擔心新劇收視
另外，講到她有份演出嘅劇集《天命》今日首播，而對手《宮心計2深宮計》又係古裝宮庭劇，問佢擔唔擔心有比較？佢話唔擔心：「因為《深宮計》係女性主導嘅劇，而《天命》係男性主導，睇完我哋就睇我個好姊妹胡定欣咪啱囉！（咁怕唔怕受世界盃影響？）唔怕，啲時段冇重疊，而且睇波同睇劇係兩批觀眾，鍾意睇劇就會追，而且只要有口碑同好製作就有人追，對收視有信心，劇入面又有咁多好戲之人，我都好期待播出。」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
