即上彩報世盃專頁：http://win.on.cc/football/cup2018/
今日世界球壇2大話題，法國殺入世盃決賽、C朗拿度過檔祖雲達斯，將會串連成夏薩特嘅神奇故事！「夏世三」領軍嘅比利時雖然喺世盃4強不敵法國，不過呢位瀟灑中場仍然唔憂前途，事關啱啱賣走C朗嘅皇家馬德里，已經決定收購夏薩特做「球王接班人」，而夏薩特亦已表態希望「上艦」，預計轉會費會高達2億歐元！
皇馬以1億歐元賣走C朗後，肯定會收購一位頂級巨星嚟接班，法國新人王基利安麥巴比、巴西球王尼馬一直被視為熱門人選，但英國、西班牙傳媒爆料，皇馬會長皮里茲原來早就心有所屬，嗰個人就係比利時中場夏薩特，西班牙媒體《Diario Gol》更指出，皮里茲已扑槌將C朗件7號波衫留畀「夏神」。
夏薩特一直仰慕皇馬前教練施丹，多次表示要效法施丹嘅球王軌跡，雖然該法國教頭已經離隊，不過夏薩特喺世盃4強賽前，就公開表明想踢皇馬嘅心從未改變：「施丹係好特別，不過皇馬係所有球員嘅夢想，無論有冇施丹，皇家馬德里件白色波衫係都與別不同，施丹唔喺度唔會令人想踢皇馬嘅意慾減退。」
皇馬同夏薩特都分別表態，依家就只等車路士放人，27歲嘅夏薩特遲遲唔肯同「藍戰士」續約，而佢目前合約只係剩番2年(2020年約滿)，如果一直拖落去，車路士下年將會被逼「賤賣」呢位天才球星，呢一點令車路士放手機會大大增加，有傳皇馬可能願意用2億歐元利誘車路士放人。
東網體育FB同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|