葉翠翠心痛大仔「小王子」畀家傭搣。
育有兩子嘅前港姐葉翠翠，現時主力相夫教子，但點知佢喺社交網大吐苦水，話目擊到家傭搣一歲大仔「小王子」個鼻，令佢感到十分心痛之餘，仲唔開心到又暈又嘔，佢話：「我真係好唔開心！比（畀）我親眼見到工人搣小王子個鼻仔，我問佢點解要咁做，佢話係細細力，細細力咁又點？係咪就可以搣？我細細力搣你個鼻得唔得？」
翠翠接受東網電話訪問，佢指當時親眼目擊成個過程：「我個仔捉住佢隻手，同佢玩，咁工人唔想我仔捉住佢隻手，咁嗰刻我望到，個感覺係佢搣我個仔嘅鼻仔，搣到我個仔痛，咁我個仔就會放手，唔係好得意搣吓塊面仔嗰隻，所以我好唔開心！佢唔係同你玩吓嗰種Feel，如果係梗係冇問題，但唔係嗰啲，係我親眼睇住，咁咪好唔開心囉！原來坐月期間唔開心，係會又暈又嘔嘅！」
翠翠續指：「平時工人喺我面前冇乜嘢，之前試過有一次我開緊直播嗰短短三十鐘，我行咗入房見到佢拎個電話出嚟畀我個仔睇，跟住我個仔就行嚟行去，當時仲未企得定，仲撞親落張枱度，搞到塊面有一條瘀咗嘅痕。咁我就知道佢人前人後係兩個樣，而我見到佢個動作都好純熟，知道應該唔係第一次。」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
