陳法蓉（右）同洪欣（左圖中）一向好老友，點知無啦啦捲入事件。
女星洪欣老公張丹峰被傳出軌撻着經理人畢瀅，當事人已分別發聲明否認，不過洪欣好姊妹陳法蓉竟然捲入事件。佢被指早前微博有條帖文係暗示佢哋兩夫婦關係出現問題，今日佢就喺微博澄清，更發誓唔知任何傳聞：「本人7/27發的微博，和平時一樣，只是勉勵自己和粉絲。我發誓：我當時根本不知道任何傳聞！一段比熱搜早的舊文無端端被誤以為暗示好友張丹峰夫婦關係出現問題？簡直匪夷所思！當事人已經澄清否認，我的兩位好友明明就是好好的，希望不實消息真的不要再發酵下去！謠言止於智者，敬請大家不要再胡思亂想！」
翻查佢微博7月27日帖文，較早嘅一條係關洪欣事，佢對洪欣一家人連同畢瀅遊主題樂園嘅一張相留言：「Sooo happy[心]~顏值高的一家[愛你]」而另一條佢就冇指名道姓：「親愛的：如果有人傷害了你，可以原諒他，但永遠也不要再相信他。原諒是放過你自己，而盲目信任卻只會給他再傷害你的機會。我們當然可以相信人會改過，但驗證的機會就留給別人吧。那些傷害過你的人，放過他們，路過他們，揮揮手永不再見。」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|