陪住大家成長嘅藝人，好多，依家都，年過半百，或者近半百。女神方面有啱啱提到嘅47歲鍾麗緹，以及噚日53歲生日嘅羅霖；男方嘅代表，都有個半百李克勤。
後來嗰陣嘅李克勤，係《淘氣雙子星》年代嗰個，一臉陽光唱《紅日》，或者用個前挺後趷唱「當年相戀意中人…」。有段時間佢留鬚扮滄桑，感覺似細路扮大人。
依家李克勤真係踏入中年喇，曾經一段時間佢喺香港係空白咗，因為要北上。返嚟之後，好似又……滄桑咗，眼袋嘅cup數越來越勁，臉上有敷mask都驅不散的倦意。
今年三月，克勤喺社交網post咗輯自拍照，subject係運動日，早上打哥爾夫球，晚黑打羽毛球，仲寫道：「運動令我開心」。但大家嘅重點，去咗佢冇剃鬚個樣度——一臉白鬚，仲大頭。有人打趣謂佢同盧冠廷撞樣，或者似林子祥。總之就係睇唔慣。
今日克勤太太盧淑儀又貼咗張一家人為盧爸爸慶祝生日嘅大合照，寫道：「今天是爸爸的70歲生日，爸爸生日快樂身體健康，長命百歲。還記得小時候你會跟我玩英文串字遊戲，帶我去大球場看足球，到郊野公園燒烤，去海灘游泳，打羽毛球，遊車河……但你管教很嚴，小時候我很頑皮，喜歡講大話，但一給你發現就大懲罰⋯⋯藤條炆豬肉，跪地主，困我在洗手間裏。因為在你眼中道德，孝順父母，尊師重道，準時，誠實等⋯這種種都是做一個好人最基本的。」
「到我現在已為人媽媽，我衷心感激你和媽媽對我們的教導，讓我們可以在開心和有家教的環境下成長。希望你也驕傲有我和弟弟妹妹在你生命裡。我愛你。」字裡行間充滿暖暖的愛意…
克勤都有出席，囝囝個樣就遮住咗——但大家焦點都離不開戴上Cap帽嘅克勤——搞乜嘢啊？應該燈光問題啦，克勤仲要戴帽，陰影之下令佢好似俾歲月摧殘咗…
其實盧淑儀可以向汪詩詩取經，佢每次放親相，都會加啲修圖app或者美圖特效，無論男女都變得紅粉菲菲，嘴唇紅卜卜，丹爺都變男神0架！
|
鍾意就快D Share啦！
|
|
|