鍾嘉欣喺15年嫁咗比佢年長13歲嘅脊醫老公Jeremy，16年生完囡囡Kelly之後，話自己「一做即中」嘅嘉欣（相關新聞： https://bit.ly/2MLLdt9 ），話咁快又喺今年年頭宣佈陀B。
5月喺香港出席完活動嘅嘉欣，就返加拿大安胎，而上月頭，陀咗7個月B嘅嘉欣，更係ig上晒巨肚相之餘，順便公佈埋BB性別係男仔添。
事隔個半月，原來嘉欣已經生咗喇，有讀者附上一張貌似啱啱生完B嘅鍾嘉欣攬住B嘅一家四口合照，張相嘅環境就似已經返到屋企，相中素顏嘅嘉欣戴住黑框眼鏡、搵被遮住半裸上身嘅佢瞓喺床上，攬住啱啱出世嘅BB，而旁邊就係老公Jeremy同埋囡囡Kelly，雖然啱啱生完BB，但相中嘅嘉欣精神都算唔錯，而嘉欣同老公Jeremy亦笑晒口咁，流露住幸福嘅神情。
講到好姊妹生咗BB仔，王君馨接受傳媒查詢時就話：「Not sure wor……last time chat with her still not。（唔清楚喎…上次同佢傾偈嗰時都未。）」但係王君馨就未講，對上一次同鍾嘉欣傾偈係幾時嘅事。李亞男就回覆傳媒指：「等嘉欣自己公佈吧。」至於處女黨成員苟芸慧則表示：「I have been chatting with Linda recently but ’m not so sure if it’s true or not. please kindly wait for Linda to announce la.（我最近都有同嘉欣傾過，不過唔知呢個消息係真定假，大家都係等嘉欣公佈）」
其實嘉欣係5月出席分娩前香港最後一個活動時，曾經講過到時生B可以順產，而老公亦會陪入產房，幫手剪臍帶同錄影，當時佢仲叫大家祝佢「生產順利」，佢話：「永遠唔知生產過程係點，生死關頭，一線之差，所以做媽媽係好偉大，希望大家祝福我。」而生Kelly時用咗17個鐘嘅嘉欣，更表示呢胎亦希望順產：「啲人話第二胎用15至20分鐘就生到。」
精選娛聞，喺晒《娛果》
http://fb.com/appledailyent
| | | |
|
鍾意就快D Share啦！
|
|
|