2018年8月25日星期六

林雅詩8蚊食一餐上水落場拉客 __,林雅詩,

林雅詩8蚊食一餐上水落場拉客

失婚藝人林雅詩（Grace）成為單親媽媽獨力撫養兒子，日前更在網上狂呻有人提出「潛規則」，令她感到意興闌珊。有讀者向本報爆料，指她已轉行做時裝店售貨員，忙到披頭散髮，更不時要在店外拉客。

Grace早前突然在社交網發文「爆Seed」指多次被一位圈中人欺騙，叫她預留檔期但最終不了了之，令她損失其他工作機會，更直指有人多次向她提及「潛規則」邀請出席「飯局」，令她對娛樂圈心灰意冷。日前有讀者爆料指在上水某商場一間服裝店，見到她落力Sell客。

做售貨員一腳踢

昨日本報走訪該服裝店，發現Grace一早已在店內打躉，店內服飾主打平民路線，價錢一百幾十不等，「降呢」做阿四的她相當勤力，執貨、熨衫、摺衫、掃地一腳踢。雖然上午時段人流較少，她都「自動波」拉客，跑到店外落足嘴頭招攬客人，雖然多次食「檸檬」，但都保持微笑，照單全收。至下午茶時段，她走到附近麵包店買了一個8元麵包充飢，期間路過文具店，即入內添置了不少新文具，未知是否為囝囝開學做準備。之後便急急腳返舖，邊食邊開工。

儲錢供囝囝留學

聯絡上Grace問到為何轉行做售貨員？她即說：「唔係轉行！有活動同登台我都會做o架！」又表示其實時裝店她有份投資：「娛樂圈工作、收入都唔穩定，所以同朋友夾份開咗間時裝店，希望多一個出路，唔想困死自己。我依家要照顧小朋友，其實最大心願係儲一筆錢，等囝囝日後有機會去外國讀書，見識多啲、學多啲嘢，做媽咪嘅幾辛苦都冇所謂。」她表示與友人合資六位數字創業，希望可以一年內回本，問到親自拉客會否尷尬，她說：「力不到不為財，自己生意睇緊啲，拉客點解會尷尬？有時有啲客認到我，仲畀人集吓郵添！」

麵包頂肚	 林雅詩的時裝店「內外兼備」，底底都有得賣。	 親自執貨
 屢遇人不淑，林雅詩於娛圈收入不穩定。