最近大台重播嘅《珠光寶氣》，係黎姿退出娛圈前嘅最後一部劇集作品。數數手指，拍攝日子距今已經10年，學祥仔話齋：「人生有幾多個十年？」但日前喺街撞見黎姿，仲係一樣咁靚。歲月痕跡？咩嚟架？
《珠光寶氣》入面嘅黎姿好錫細妹蔡少芬，護膚化妝品都為對方準備埋。現實中嘅佢一樣好錫細佬，為專心照顧因車禍受傷嘅弟弟，喺影藝事業如日中天嘅時候選擇退出娛圈。黎姿由2008年尾退出至今已經10年，直到最近深夜時段重溫黎姿嘅劇集，不禁令人感慨歲月催人。不過，當親眼見到黎姿本人後，驚覺歲月催唔催人可能都會因人而異，因為黎姿睇落好似比以前仲靚咗，簡直係逆生長。又難怪，全力打理自己間皮膚護理中心，又要做埋生招牌，外在當然要靚麗唔好失禮自己失禮公司，所以莫講話睇落仲靚過10年前嘅《珠光寶氣》時期，誇張啲講，甚至同1995、1996年嘅細細粒時期比都仲得。
BTW，提起細細粒於是又再重溫佢同浩南哥嘅生離死別，有無人同《壹》仔一樣次次睇都眼濕濕？
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|