鍾嘉欣坐月拍片，仲係佢產後首次公開「現身」添！
藝人郭晉安、楊怡、林文龍及周勵淇等出席劇集《再創世紀》宣傳活動，有份客串的鍾嘉欣及李婉華則越洋拍片支持，剛再做媽咪的嘉欣拍攝這短片時正在坐月，更是她產後首「現身」！穿上牛仔褸的她相當精神又面尖尖，身形也沒有走樣，她說：「我其實呢係偷偷哋竄出嚟，因為我坐緊月呀！今次劇組嚟溫哥華取景，畀機會我再拍劇，生完大女Kelly之後，都有一年幾冇拍戲。另外要多謝文龍，我哋12年前拍《法證先鋒》系列，依家大家都成為父母，能夠再合作演戲好開心，佢好有耐性，畀到我好多推動力同信心我做到最好。」而鏡頭後不時出現BB聲，相信是Kelly見媽咪拍片感到好奇！
而李婉華表示很高興再次拍無綫劇，多謝監製畀機會：「今次主要同林文龍、鍾嘉欣合作，我十幾年冇拍戲，都想過吓戲癮，我哋喺溫哥華拍攝，大家拍完都唔捨得，去咗好多靚地方同餐廳拍攝，相信觀眾睇完會更認識溫哥華。」
來源 source: http://hk.on.cc
|
鍾意就快D Share啦！
|
|
|