掃呢頁CODE去手機

2018年9月10日 星期一

【最貼心導師】謝霆鋒為學員伴奏 設計造型 一腳踢 __,霆鋒,謝霆鋒,

【最貼心導師】謝霆鋒為學員伴奏設計造型一腳踢由謝霆鋒擔任導師嘅《中國好聲音》日前播出第八期,今次霆鋒戰隊同周杰倫戰隊開始首場戰隊對戰。雖然霆鋒戰隊喺第 ...


  • 【最貼心導師】謝霆鋒為學員伴奏 設計造型 一腳踢


  • 由謝霆鋒擔任導師嘅《中國好聲音》日前播出第八期,今次霆鋒戰隊同周杰倫戰隊開始首場戰隊對戰。雖然霆鋒戰隊喺第一輪先失一局,不過對自己同戰隊勁有信心,仍舊依住自己plan好選手出場次序,最後霆鋒直落三場勝出,成功翻身仲贏埋今場比賽。

    今集節目,霆鋒將導師之一周杰倫嘅《威廉古堡》加入巴哈、莫扎特、貝多芬嘅古典音樂,再加埋佢至愛嘅rock原素,將首歌改編成為一首古典金屬風格嘅歌《尼古拉斯狂想曲》,令人印象深刻。除此之外,今集霆鋒為學員劉郡格伴奏亦係亮點之一,劉郡格演唱《作曲家》時,霆鋒為佢彈bass,其實今次唔係霆鋒第一次為學員伴奏,平時練習,佢都會幫學員伴奏,好似幫徐暐翔嘅《唯一》打Cajon、《煎熬》中彈結他等。

    除咗伴奏,學員表演時造型、台上走位,都由霆鋒親自設計,錄影期間學員身體出現狀況,霆鋒除咗安慰,仲會分享自己帶病演出嘅經驗,呢啲咁細心嘅舉動,另一位導師李健都忍唔住稱佢為「優秀教師」、庾澄慶亦大讚佢係「最投入的導師」。

    立即下載Apps,隨時隨地睇盡時政專題、深度偵查、娛樂熱話!

    按此連結:http://bit.ly/next28app

    學員造型、台上走位 霆鋒都親力親為

    霆鋒為學員劉郡格伴奏



    鍾意就快D Share啦!