掃呢頁CODE去手機

2018年9月10日 星期一

陳百強:Eason要求加歌 孖林珊珊唱呢首歌悼陳百強 __,Eason,林珊珊,珊珊,陳百強,陳奕迅,

可惜盧凱彤唔喺度。已故「情歌王子」陳百強(Danny)離世25年,亦是他60歲冥壽,眾環球歌手今晚於會展舉行《環球高歌陳百強演唱會》以歌悼Danny, ...


可惜盧凱彤唔喺度。


已故「情歌王子」陳百強(Danny)離世25年,亦是他60歲冥壽,眾環球歌手今晚於會展舉行《環球高歌陳百強演唱會》以歌悼Danny,及後到周殷廷、符致逸(Adrian)唱出《今宵多珍重》,據大會指原本《今》是由盧凱彤獻唱,可惜她不幸於8月初墜樓離世,未能參與演出。

四度為演唱會作獨白的林珊珊,是次就只獻聲說故事,講述當年Danny寫《戀愛預告》給她,令她成為偶像歌手:「佢都好鍾意呢一首歌,曾經同我講過要作一個陳百強嘅版本,不同嘅演繹,有不同嘅味道,而陳百強係一份簡單嘅味,而且令人期待,深愛住嘅仍然係佢嘅聲音。」其後螢光幕播出Danny唱《戀愛預告》的一小段片段,全場歡呼聲四起!播畢就輪到身穿深紫色西裝的陳奕迅(Eason)登場,唱出《深愛着你》。

當Eason唱完就笑言自己其實好緊張,因為對上一次於香港演出已經是一月份的事,對今次演唱會都期待已久,亦好開心可以參與到:「啲歌真係好好聽,我相信Danny會聽到,同埋我成日覺得演唱會係一個好好嘅藉口可以同大家一齊聚首一堂,可以一齊去享受一啲好正嘅氣氛、好正嘅感覺同感受,好開心可以見到大家。」唱唔夠喉的Eason更話自己同唱片公司要求加歌,與他好欣賞的音樂上的拍檔Adrian合唱《未唱的歌》。

唱畢仲未捨得走的Eason再講到當時同唱片公司高層揀歌時,都有主動提出再想唱多一首歌,現場大賣關子話:「佢都好尊重我,話可以唱,跟住我話打電話,未打之前唱片公司話幫我講咗先,睇吓佢肯唔肯先,我就話求吓佢啦,如果唔得我就自己打啦,睇佢肯唔肯唱,因為呢隻歌錄咗碟之後都應該未唱過,甚至連Danny喺台上都未唱過Live,點知佢好肯唱,好多謝佢!」隨即音樂一起,便是《再見Puppy Love》,全晚一直擔任獨白角色的林珊珊更終極現身,台下歌迷興奮得全部企晒起身一齊大合唱,將現場氣氛推至最高點!二人唱完一齊講:「Thank you大家,Thank you Danny!」便為演唱會畫上完美句號,準時十時半完騷。

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!