熱爆娛樂: 【木村女襲港】工藤靜香帶女現身 15歲光希淡定冇架子 _

2018年10月15日星期一

【木村女襲港】工藤靜香帶女現身 15歲光希淡定冇架子 __,工藤靜香,木村,木村女,木村拓哉,光希,

木村拓哉嘅細女光希以Koki之名出道，年僅15歲已成為廣告界紅人，今日佢首度襲港，身為星媽嘅工藤靜香都有陪囡囡同行，係靜香相隔25年再度訪港，有靜香嘅本地擁躉以不同形式歡迎偶像及光希，fans自製短片歡迎佢兩母女抵港，更有粉絲到場接機。

今日中午12時45分，戴帽嘅光希先獨自步出接機大堂場，雖然年紀輕輕已躋身國際，但此行只由一位隨行工作人員陪同，現場則有大約8位保安及其他工作人員護駕，見佢十分有禮貌，見到記者即展現燦爛笑容及揮手，企定定廿秒後就前往搭車。步行期間，光希全程笑容滿面，又用英文跟工作人員溝通，佢亦用英文回應記者，表示首次到香港，日方工作人員見狀即禁止繼續訪問。相隔幾分鐘，靜香免得蓋過囡囡風頭才慢慢步出禁區，有fans上前歡迎偶像，闊別香港廿年嘅靜香都十分親民，沿路叮囑大家小心跌親，靜香臨上車前亦有用日文答謝在場各位。

精選娛聞，喺晒《娛果》

http://fb.com/appledailyent

15歲光希今日訪港，淡定又友善。	採訪、攝影：馬建華、陳俊強、徐錦池	
		 現場有多名保安。
 冇嚟25年嘅工藤靜香十分親民。	 靜香都有現身。	 有本地fans製作影片撐靜香母女。
 有本地粉絲今早已到場接機。