賽車手陸漢洋（William）與藝人苟芸慧（Christine）本月19日於香港擺酒，但原來兩人上個月已秘密註冊結婚，William更在上月18日於加拿大多倫多為太太安排了一個神秘婚禮，邀請了女方在多倫多的家人和舊同學參加，場面既溫馨又驚喜，令她十分感動！
搵岳父舅仔幫手
話說Christine想在婚前返多倫多探望家人，讓未來老公與未能來港出席婚禮的長輩見面。William知悉後，即偷偷地安排一個驚喜給太太。他知道Christine一直想在古堡行禮，故他鎖定了在多倫多唯一一個古堡內舉行婚禮。他先找了Christine的爸爸、弟弟和在加拿大認識超過二十年的舊同學Andrew和Tom幫手安排，還有加拿大契姐Winnie由他落機開始，便陪着他去製造這個驚喜之旅。
去到婚禮現場先知
婚禮的前半段，Christine雖感動但仍「頂得住」沒有喊，但當宣讀誓言時，她終於忍不住流下開心的淚，她說：「呢個係一個好溫馨嘅婚禮，其實我覺得佢之前已經古靈精怪，不過佢一向都係咁，所以冇理。婚禮舉行嘅朝早，原來佢將婚紗帶到嚟多倫多，我哋去咗影相，我仲以為只係去影結婚相，心諗呢個應該係佢畀我嘅驚喜，之後我哋去到婚禮現場，先知道原來真係一個婚禮。當見到一啲接近十年冇見過嘅長輩、朋友專誠嚟出席，真係好開心，睇得出William真係花咗好多心機去籌備呢個婚禮。」
為太太學跳社交舞
談到婚禮過程，Christine直言最感動是William在婚禮上獻唱《Nothing’s gonna change my love for you》，當她同爸爸跳舞，一邊跳一邊見到爸爸熱淚盈眶，覺得爸爸真的會放心把她交到William手上了。除了驚喜婚禮外，William亦為她做了很多不可能的任務，Christine說：「William唔識跳社交舞嘅，之前特別為咗我一齊去學，仲刻意着皮鞋去練習。雖然佢跳起舞嚟好似機械人，但佢為我放低咗平時愛型嘅性格，好難唔感到佢嘅誠意。」而William覺得多倫多是太太成長的地方，知道她一定很希望與當地的親戚朋友分享喜悅，所以用盡方法尋找Christine的中小學同學，想令婚禮盡善盡美。
「打風都打唔甩」
婚禮期間，遇上颱風「山竹」吹襲香港，William安排了化妝師飛往加拿大，但遇上班機延誤要先飛澳洲再飛多倫多，另一位兄弟亦趕及風後第一班機飛往參加婚禮。他說：「好感激上天嘅安排，我哋希望見到嘅朋友都能夠出席，我同Christine都好開心。」婚禮遇上打風，正正應驗了中國人所說「打風都打唔甩」的美言了。
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|
