馮紹峰與趙麗穎傳出已經領證的消息，可喜可賀。
內地影圈近日因瞞稅風波搞到人心惶惶，不少內地女星都趕住嫁，好多仲奉子成婚低調進行，趙麗穎七月中宣布停工，更傳有孕，日前其經理人又爆她好事近，原來她與馮紹峰及、唐嫣與羅晉這兩對戀人傳出已經領結婚證的消息。
馮紹峰與趙麗穎去年因拍攝《西遊記．女兒國》而一起，趙麗穎懷孕後馮紹峰都好緊張，更即刻向對方求婚，二人更急急於9月1日於上海民政局進行結婚登記，隨即飛來香港買嬰兒用品。雖然趙麗穎唔想畀人知佢奉子成婚，但呢啲嘢邊瞞到人㗎！
東網向二人的媒人、星皓老闆王海峰求澄二人是否已婚，王海峰笑言不知道：「不過如果係真嘅話，就祝佢哋永遠幸福、開心。」
另外，內地女星唐嫣與小生羅晉同樣玩奉子成婚，五月時二人知道懷孕後，羅晉已公開表示會跟唐嫣結婚，仲有人話佢哋本月28日會去維也納舉行婚禮，邀請的圈內人都少之有少，亦一樣相當低調。
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
