2018年10月16日 星期二

向大台承諾短期不婚不生育 李佳芯挑機陳煒搶視后 __,大台,李佳芯,視后,陳煒,TVB,

無綫花旦凋零,今屆視后大熱唔係陳煒就係李佳芯(Ali)。如此大好機會登頂封后,難怪明明做完卵巢手術後話要淡薄名利,又話係時候為將來結婚生仔打算嘅Ali ...




無綫花旦凋零,今屆視后大熱唔係陳煒就係李佳芯(Ali)。如此大好機會登頂封后,難怪明明做完卵巢手術後話要淡薄名利,又話係時候為將來結婚生仔打算嘅Ali,突然間煞停嫁人計畫,向大台承諾短期內不婚不生B啦,畢竟爭視后都要俾啲誠意架嘛。

大台近年為栽培花旦都算得上不遺餘力架喇,胡定欣同唐詩詠先後被捧上視后寶座,可惜前者最近刻意減產有心外闖,後者今年未有代表作人氣下跌。至於其他潛力股好似王君馨、岑麗香、陳凱琳咁,個個急住嫁人生B,就連黃翠如都話要休假一年享受人生。

難得大台而家蜀中無大將,李佳芯嘅《BB來了》又入晒屋,大台仲要錫得燶繼續安排佢劇接劇孖陳豪拍《殺手》,仲有套《白色強人》係下年重頭劇,Ali唔乘機爭視后更待何時?

雖然《深宮計》太平公主陳煒係勁敵,呼聲民望都高,更重要係商業客戶都like佢,幫大台搵落唔少錢,大台高層自然happy。不過,爭獎方面煒哥一向無咁進取,而且同大台仲有長約未完,牙力即時減半。相反,據知Ali承諾短期內不婚不孕,拎埋視后都會搏殺多一段時間,令高層心動增加佢封后成數。

就快36歲嘅Ali決心為事業搏殺,佢自己、大台、觀眾都有得益,win win win三贏呀!但就難為男友陳炳銓要再等下喇。

鍾意就快D Share啦!