2018年10月16日 星期二

【兩歲細女識爭寵】鍊贏兩個阿哥 陳豪偏心錫晒小公主 (足本版) __,陳豪,

企喺度錫,坐喺度又錫!睇黎呢位得兩歲嘅小公主,就快俾爸爸錫到燶!堪稱娛樂圈入面最溫馨嘅陳氏一家,又出動喇!最近忙住拍新劇《殺手》,搞到Aimee都都要 ...




企喺度錫,坐喺度又錫!睇黎呢位得兩歲嘅小公主,就快俾爸爸錫到燶!

堪稱娛樂圈入面最溫馨嘅陳氏一家,又出動喇!最近忙住拍新劇《殺手》,搞到Aimee 都都要喺Ig 留言話掛住老公。 呢日一有時間,陳豪即刻同老婆仔女去食pizza 補數。雖然帶住兩個工人姐姐喺身邊,不過Aimee 全程都冇停過手,服侍一家大細,不知幾週到!

Aimee 忙完,又到陳豪接力。陪完大仔去toilets ,又要餵阿女飲水。成餐飯最歎都係兩個工人姐姐喇!阿mum 仲主動夾埋嘢俾佢地食,呢個boss 跟得過喎!

孻女又真係拉心肝嘅!食到咁上下,Camilla 開始坐唔定。媽咪都搞佢唔掂,等daddy 抱抱喇!望住個女,陳豪keep 住心心眼,情不自禁咁錫完又錫。之後直情調埋位,坐實喺阿女隔離。原本要四圍走嘅Camilla ,俾媽咪喝住要坐定,好彩最後有爸爸心軟求情,終於可以同工人姐姐去沙灘放電。相反兩個阿哥就要繼續坐定定食嘢喇!

到咗埋單時候,愛妻號陳家梗係交俾老婆揸數。臨走嗰陣,Camilla 見爸爸拖住大哥,又即刻埋去爭寵,結果⋯⋯梗係冇得輸Daddy 比細妺獨霸,兩個哥哥咪唯有轉拖工人姐姐囉!鬼叫你地做人阿哥咩!

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!