洪金寶跟足太太指示斷食減肥，身形較為清減。
藝人洪金寶到西貢為電影《如珠如寶》拍攝，見他身形較為清減，他表示有按太太高麗虹的指示斷食，並已進行了兩個月：「減少少肥又話唔健康、又話糖尿，要減少食量。依家要戒食澱粉質，仲有斷食一日飲菜汁，目的係將呢幾十年食嘅藥排出嚟。」
問乖乖聽話，太太可有獎勵？他笑言：「可能畀我娶二奶我肯做佢已經好開心，話想多謝番我，畀機會佢陪我耐啲，又話我想陪啲孫耐啲，就要好好照顧自己。」他又指孫仔亦好關心他，會禁止他食朱古力。
今次應林敏驄邀請拍戲，洪金寶表示拍得好舒服：「都係笑吓喊吓，做導演就辛苦囉！香港電影我都好耐冇參與，香港就快冇電影㗎喇！以前香港電影帶領潮流，依家畀韓國追過晒，香港人都唔睇香港電影。（拍太少電影？）係環境問題，依家都冇功夫演員，以前我哋練功係想做功夫明星，依家後生練功，都係出嚟賣叉燒包，係冇前景呀，咁你做乜諗嘢呢？」
來源 source: http://hk.on.cc
|
鍾意就快D Share啦！
|
|
|