Hello，大家好，我係許靖韻Angela，啱啱最近一個月推出咗自己第一首原創國語歌《事與願違》。
其實當時都將自己一啲感覺寫入歌裡面，我覺得每個人分手都會經歷一段最傷心日子，不過都算幾好彩嘅係，傷心無耐已經參加咗節目，變得好忙，經歷半年時間之後已經淡化咗。
25歲嘅Angela，係唔係第一次遇上偷食男呢？
因為首歌都有圍繞講大話，我自己覺得情侶之間應該坦白，所以我覺得坦白喺一段感情入面最重要，因為講大話真係會令人好傷心。
首歌好sad，不過，Angela要特別多謝一個人。
由衛詩雅幫我拍，好多謝佢，因為佢係義務性質，啱啱返嚟香港做呢首歌嘅時候好趕，然後MV都係公司同事幫我去做，我全日睇住衛詩雅演戲，覺得佢非
常厲害，同埋我睇佢演都覺得好傷心，我覺得呢套微電影真係幾好睇，同埋入面好多情節都係我同一班同事諗出嚟
。見到Angela，好多人會聯想到泳兒，唔知佢本人自己又點睇呢？
當時好多人話我似泳兒，因為當時外型好斯文，仲要咁啱短髮、直髮，又係淺色頭髮，所以俾大家印象會好似，我覺得而家外型上咁大轉變應該唔再似，因為留長咗頭髮，又染咗橙色，化妝各樣嘢都唔同咗，所以我覺得而家係成熟咗嘅。
入行兩年後，Angela沈寂咗一年，之後先開始再有機會，呢段時期，佢有冇咩嘢得著呢？
最大得着係，我覺得性格上都轉變咗，我覺得性格上一直都成長緊，同埋好多嘢都會自己去爭取，無以前咁被動，因為最初加入公司時好驚，一來當時年紀好細，同埋一嚟就加入一間大公司，好多嘢都唔敢提出，或者唔夠膽溝通，我覺得呢兩年自己最大轉變，係會同身邊人去傾偈、了解，同埋會一齊去計劃未來工作，呢啲係以前未必會做嘅，都係會等公司安排。
攝錄：吳斯金
採訪：肥A
化妝：Khaki
髮型：Veron@Hair Corner
服裝提供：Avenue 1218
場地提供：私鬥King's Club（聯絡電話：51361218）
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|