長租銅鑼灣怡東酒的中巴後人顏傑強，卒之要搵新竇搬，因為新加坡上市的母公司文華酒店，已宣佈3月底結束怡東酒店並重建為商廈。服侍開顏傑强的怡東酒店員工，都稱呼 他為「顏少」，他亦非常受樂， 今年已 83歲的他有獲英國皇室封為子爵，是名乎其實的權貴。除了揸住15%中巴（26）股份外，也投資英國股票如蜆殼石油（Shell）及馬莎等， 身家至少數十億 。雖然在半山羅便臣花園都有物業， 但他偏偏喜歡入住英資旗下的怡東酒店行政套房，可說是另有癖好。
唔少有錢佬都鍾意喺市區長包酒店房，好似李澤楷就長包九龍半島酒店房 ，早前就被本刊拍到與後生女在半島撑枱脚; 以前恒基總部在中環環球大廈時， 四叔李兆基就長包附近的文華酒店房，而佢兩位公子李家傑及李家誠，現時在四季酒店的service apartment 四季滙都長期有房，距離IFC的恒基總部只是幾步腳，不時見到李家傑與人在四季酒店Coffee Shop開會。
呢啲富豪日理萬機，包間房方便傾生意見朋友之餘，攰攰哋都可以上房歇息下嘛，呢啲富豪高級架步，我們打工仔又點會明？
撰文：宗菁華
來源 source: http://nextplus.nextmedia.com
|
鍾意就快D Share啦！
|
|
|