內地選秀節目《下一站傳奇》熱播，除咗因為有當紅炸子雞陳偉霆、吳亦凡、鄧紫棋等人擔任導師外，亦因為節目不時爆出話題令網民瘋狂熱議。最近討論度高嘅，莫過於參賽者開口僅僅3秒，吳亦凡就撳制叮走人，原因係以貌取人。
雖然參賽者楊晗衣著打扮係特別咗啲，但吳亦凡都唔使笑人「係咪表演相聲」吓嘛？「你要表演什麼？（我唱歌，當然唱歌了老師。）因為我以為你真的要講個相聲什麼的。（我不是講相聲，我是來認認真真來享受，我來唱歌了老師。）」
楊晗開口埋口都尊稱吳亦凡為老師，但對方未認真聽佢唱，已經叮走佢，更明言對方「外形太逗了」。雖然大會之後俾多次機會楊晗表演，佢又真係唱得唔差，但淘汰已成定局，難怪陳偉霆都問吳亦凡：「後悔了吧你們？」
至於吳亦凡以貌取人就被網民洗版式批評，話佢「本身都無咩實力，憑咩去唔尊重參賽者、侮辱人？成個節目水平被拉低晒！」當然都有啲粉絲衝出嚟護主，話只係做節目效果啦，但只係為效果就侮辱人惹人反感，咁就真係得不償失蠢蠢豬喇。
來源 source: http://nextplus.nextmedia.com
|
鍾意就快D Share啦！
|
|
|
