熱爆娛樂: 【狗仔出更】 40分鐘奔走兩銀行4次余安安焦急叉腰不耐 _

2018年11月22日星期四

【狗仔出更】 40分鐘奔走兩銀行4次余安安焦急叉腰不耐 __,余安安,

余安安一身運動look喺跑馬地出現，去銀行搞理財。(採訪、攝影：徐錦池、畢紹基)

上月度過59歲生日嘅余安安，雖然下年就登「陸」，但佢仍然活躍拍戲，仲簽埋契仔凌文龍，做對方經理人，生活都幾忙碌，見佢生日，喺戲中做過佢個女嘅文詠珊（Janice Man），加埋古天樂，及佢兩個親生女都同佢慶祝生日。

安安生活忙，平時就善用時間搞個人事務，日前某日下晝約4點，見佢獨自揸車去跑馬地，一身cap帽運動裝嘅佢先將座駕泊好後，去咗一間銀行，不過逗留唔夠幾分鐘，佢就離開，好趕急去咗對面馬路另一間有優越理財服務嘅銀行，見到職員都好落力為佢解決問題，但安安就顯得有點焦急，仲叉腰擺出唔太耐煩樣子，銀行職員就指示佢去返之前間銀行到。安安就跟隨對方指示，入到原本先第一間銀行一陣，又行返去對面，即係嗰間優越理財銀行，來來回回，每間銀行都巡咗兩次，搞咗成40分鐘，佢先搞妥財務，不過見佢面容就木無表情，才慢慢行返去攞車走人。

Google Play 2018 年度最受歡迎應用程式，請即點擊 http://bit.ly/2FCthz5 投《蘋果動新聞》一票

精選娛聞，喺晒《娛果》

http://fb.com/appledailyent

余安安一身運動look喺跑馬地出現，去銀行搞理財。(採訪、攝影：徐錦池、畢紹基)	落車先去呢間銀行。	 之後去咗對面呢間有優越理財服務銀行再問。
 搞咗一輪，每間銀行去左兩次先搞掂，才可以安心去攞車走人。